28.09.2026 | 11:42
Հայաստանի և Իրանի ներկայացուցիչները քննարկել են բեռնափոխադրման խոչընդոտները
Հայաստանի և Ադրբեջանի ԱԳ նախարարներն առաջիկայում նորից կհանդիպեն. ԱԳՆ խոսնակ
Քաղաքականություն
04.04.2019 | 15:25
Հայաստանի և Ադրբեջանի ԱԳ նախարարներն առաջիկայում կհանդիպեն ԵԱՀԿ Մինսկի խմբի համանախագահ երկրներից որևէ մեկի մայրաքաղաքում: Այս մասին Factor.am-ին հայտնեց ՀՀ ԱԳՆ խոսնակ Աննա Նաղդալյանը:
«ԵԱՀԿ Մինսկի խմբի համանախագահների կողմից հանդիպում անցկացնելու առաջարկ է եղել»,- նշեց նա: Հանդիպման ժամկետ ԱԳՆ խոսնակը չհայտնեց. «Ամսաթիվը մենք միշտ հայտնում ենք համաձայնեցված կարգով, և չենք խախտելու այդ սկզբունքը»:
Հիշեցնենք, որ Զոհրաբ Մնացականյանն ու Էլմար Մամեդյարովը վերջին անգամ հանդիպել են մարտի 28-ին Վիեննայում: ԱԳՆ ղեկավարների հանդիպմանը հետևեց Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը՝ ԵԱՀԿ Մինսկի խմբի համանախագահների միջնորդությամբ:
Աղավնի Սուքիասյան
