02.07.2026 | 12:03
Կատարը հայտարարել է, որ Դոհայում ԱՄՆ-Իրան անուղղակի բանակցությունները «դրական առաջընթաց» են գրանցել
Առողջապահության փոխնախարարը ձերբակալվել է կաշառքը վերցնելու պահին․ Արթուր Վանեցյան. ՏԵՍԱՆՅՈՒԹ
Հասարակություն
04.04.2019 | 15:07
Առողջապահության փոխնախարարը ձերբակալվել է կաշառք ստանալու պահին, մնացածը քննության ընթացքում կպարզվի։ Այս մասին այսօր՝ Կառավարության նիստից հետո լրագրողների հետ ճեպազրույցում ասաց Ազգային անվտանգության ծառայության տնօրեն Արթուր Վանեցյանը։
«Կաշառք տվողին էլ առաջադրվել է մեղադրանք, բայց հաշվի առնելով նրա առողջական վիճակն ու տարիքը՝ խափանման միջոց է ընտրվել ոչ թե կալանքը, այլ ստորագրությունը չհեռանալու մասին», – մանրամասնեց ԱԱԾ տնօրենը:
Հիշեցնենք, որ առողջապահության փոխնախարար Արսեն Դավթյանին ԱԱԾ աշխատակիցները ձերբակալել էին հանրապետության գլխավոր մանկաբարձ-գինեկոլոգ Ռազմիկ Աբրահամյանից կաշառք ստանալու կապակցությամբ։
Ձեռնարկված լայնածավալ օպերատիվ-հետախուզական միջոցառումների և համալիր քննչական գործողությունների արդյունքում ձեռք են բերվել փաստական տվյալներ այն մասին, որ բժշկական հաստատության տնօրենը նպատակ է ունեցել ապահովել առողջապահության նախարարության կողմից բուժհաստատություններին տրամադրվող ֆինանսավորման աշխատանքները համակարգող փոխնախարարի հովանավորչությունը և նրա հետ ձևավորել իր համար բարենպաստ աշխատանքային պայմաններ:
Մանրամասները՝ տեսանյութում։
