Պարգևատրումների համար կառավարությունը գումար հատկացրեց ՊԵԿ-ին. դեմ քվեարկողներ էլ եղան․ ՏԵՍԱՆՅՈՒԹ

Կառավարության ապրիլի 4-ի նիստում որոշում կայացվեց 2 միլիարդ 330 հազար դրամ հատկացնել ՀՀ պետական եկամուտների կոմիտեին պարգևատրումների համար:Ըստ ՊԵԿ նախագահի՝ 2019 թվականի պարգևատրման ֆոնդը նախատեսվել է 1 միլիարդ 836 հազար դրամ, սակայն այդ ֆոնդը բավարար չէ կոմիտեի բնականոն գործունեությունն ապահովելու նպատակով հարկային և մաքսային մարմինների աշխատանքներում բարձր արդյունավետություն ցուցաբերող աշխատակիցներին վճարելու համար:Նախագծի վերաբերյալ  վարչապետ Փաշինյանը նշեց, որ մենք պետք է հասկանանք, որ պետական ծառայության վարկանիշը պետք է լինի բարձր, այն պետք է կարողանանք  գրավիչ դարձնել։

«Ծառայողը, որն օրական 100 միլիոնավոր դրամների ապրանքի հետ առնչություն է ունենում, ստանում է 160 հազար դրամ աշխատավարձ, եթե մենք այս իրավիճակը թողնում ենք այսպես, իրական ուղերձն այն է, որ գնա, քո գլխի ճարը տես», – ասաց նա։ՀՀ ֆինանսների նախարար Ատոմ Ջանջուղազյանն էլ ասաց, թե չի կարծում, որ այս ձևով կարող են պայքարել կոռուպցիայի դեմ։

«Որևէ գումարի չափ չի կարող լուծել այս խնդիրրը», – ասաց նա։

Նախագծի վերաբերյալ իր առարկությունները ներկայացրեց Ֆինանսների նախարար Ատոմ Ջանջուղազյանը՝ նշելով, որ եթե մենք միայն խրախուսման չափը բարձրացելու մասին ենք մտածում, ապա ռիսկ կա,  և չի կարծում, որ կոռուպցիայի դեմ պայքարի շրջանակում այս լրացուցիչ վճարը տալու է այն արդյունքը, ինչն ակնկալվում է։

Նախագիծը դրվեց քննարկման և ընդունվեց, ակայն ոչ միաձայն՝ դրան դեմ քվեարկեցին Ատոմ Ջանջուղազյանը և  մշակույթի փոխնախարար Տիգրան Գալստյանը։

Մանրամասները՝ տեսանյութում։