09.10.2026 | 12:35
Լուկաշենկոն հույս ունի, որ Հայաստանը 2029 թվականին կստանձնի ԱՊՀ նախագահությունը
Եթե իմ նշանակումն անօրինական էր, թող 10 ամիս առաջ ազատեին. Կոնստանտին Օրբելյան. ՏԵՍԱՆՅՈՒԹ
Մշակույթ
04.04.2019 | 13:26
Չգիտես ինչու՝ Նազենի Ղարիբյանը որոշել է, որ ես անօրինական եմ նշանակվել Օպերայի տնօրենի պաշտոնում: Ապրիլի 4-ին հրավիրված ասուլիսում այս մասին ասաց Ալ.Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը:
«Այդ մասին Մշակույթի նախարարությունն ինձ ասում է վերջին ութ կամ ինն ամիսներին: Ես ասում եմ՝ դա իմ խնդիրը չէ, ինձ անօրինական կերպով նախարարությո՞ւնն է նշանակել: Ասում են՝ ոչ: Այդ դեպքում ի՞նչ անօրինականություն է ձեզ անհանգստացնում»,- հավելեց նա:
Օրբելյանի խոսքով՝ նախարարությունից ասել են, Կառավարության որոշում է եղել, որի համաձայն՝ իրեն այդ պաշտոնին նշանակել է Արմեն Ամիրյանը. «Ասում եմ՝ ուրեմն խնդիր ունեք Կառավարության հետ: Հայց ներկայացրեք Կառավարության դեմ, և թող դատարանը որոշի՝ որոշումն օրինական է եղել, թե՞ անօրինական: Ձեզ հետ իմ պայմանագիրն օրինական է: Ես չեմ խնդրել, որ ինձ նշանակեն այդ պաշտոնում, դա իմ կյանքի նպատակը չի եղել»:
Օպերայի գեղարվեստական ղեկավարի խոսքով, եթե ամեն ինչ այնպես է, ինչպես Նազենի Ղարիբյանն է ասում, իրեն պետք է տասն ամիս առաջ ազատեին պաշտոնից:
«Ինչո՞ւ չարեցին: Սպասում էին, որ ինքս կգնամ: Ես ասացի՝ ինքս չեմ գնալու, ինչպե՞ս եմ դա բացատրելու կոլեկտիվին, չէ՞ որ չեմ կարող դավաճանել իմ թատրոնին, նրանց, ովքեր ինձ վրա հույս են դրել»,- ասաց Օրբելյանը:
Մանրամասները՝ տեսանյութում:
