17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ռոբերտ Քոչարյանը չի հիշում, որ այսօր իր գործը քննող դատավորին նախկինում պարգևատրել է
Հասարակություն
04.04.2019 | 13:20
Վերաքննիչ դատարանում Ռուզաննա Բարսեղյանի նախագահությամբ ընթանում է ՀՀ երկրորդ նախագահ Ռոբերտ Քոչարյանի պաշտպանների բողոքի քննությունը Առաջին ատյանի` Քոչարյանի կալանքը ևս երկու ամսով երկարաձգելու որոշման դեմ:
Այս դատավորի կենսագրությունում նշված է, որ նա 2007 թվականին Ռոբերտ Քոչարյանի կողմից պարգևատրվել է «Մխիթար Գոշի» մեդալով:
Լրագրողները Քոչարյանի պաշտպան Հայկ Ալումյանից հետաքրքրվեցին` արդյոք սա կարո՞ղ է ինքնաբացարկի հիմք հանդիսանալ. «Ոչ չեմ կարծում, որ սա կարող է ինքնաբացարկի հիմք լինել: Ես էլ լսել եմ, որ նա պարգևատրված է եղել պարոն Քոչարյանի կողմից, պարոն Քոչարյանը այդպիսի բան չհիշեց: Հաստատ գիտեմ, որ նա Ամերիկյան դեսպանատան կողմից էլ է պարգևատրված եղել, եթե այս ամեն ինչը իրար հետ գումարենք՝ կստացվի, որ երևի լավ դատավոր է: Եթե Ամերիկյան դեսպանատունն էլ իր հերթին է համարել, որ լավ դատավոր է, պարոն Քոչարյանն էլ՝ իր հերթին, միգուցե էլի ուրիշ պարգևներ էլ ունի՞, դա մեզ միայն ուրախացնում է և ինքնաբացարկի հիմք հանդիսանալ չի կարող»:
Դատական նիստն արդեն մեկ ժամ է, ինչ ընթանում է:
Լիլիթ Շաբոյան
