19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
«Խելացի» գոմեր և կարկտապաշտպան ցանցեր ունենալու համար պետությունը մատչելի պայմաններով վարկեր կտրամադրի․ ՏԵՍԱՆՅՈՒԹ
Քաղաքականություն
04.04.2019 | 13:36
Կառավարությունն ընդունեց «Փոքր և միջին «Խելացի» անասնաշենքերի կառուցման կամ վերակառուցման և դրանց տեխնոլոգիական ապահովման պետական աջակցության ծրագիրը հաստատելու մասին» որոշման նախագիծը։
Ըստ նախագծի՝ նախատեսված են, թե ինչ չափանիշներով պետք է կառուցվեն գոմերը՝ տավարաբուծության զարգացման համար։
Այս նպատակով տնտեսվարողներին կտրամադրվեն մինչև 5 տարի մարման ժամկետով 3-15 մլն դրամի չափով տարեկան 0-ից 5 տոկոս տոկոսադրույքով սուբսիդավորվող վարկեր (փաստացի 12 տոկոսի փոխարեն):
Կառավարության մեկ այլ ծրագրով գործադիրը մատչելի պայմաններով վարկեր կտրամադրի գյուղատնտեսության ոլորտի կորուստների ռիսկերը մեղմելու նպատակով տնտեսվարողների կողմից կարկտապաշտպան ցանցերի ներդրման համար։
Այս ծրագրի շրջանակում յուրաքանչյուր շահառուին տրվող վարկերի առավելագույն չափը չի կարող գերազանցել 85 մլն դրամը:
Մանրամասները՝ տեսանյութում։
Աղավնի Սուքիասյան
