17.01.2026 | 16:50
Երևանում վագոն-տնակ է այրվել
Եվրոպական արժեհամակարգը մեզ ամենամոտ կանգնածն է, ամենից հոգեհարազատն է. Տիգրան Սամվելյան. ՏԵՍԱՆՅՈՒԹ
04.04.2019 | 12:13
2019 թվականին լրանում է ԵՄ Արևելյան գործընկերության 10-ամյակը։
Factor.am-ի հետ զրույցում Արտգործնախարարության Եվրոպայի վարչության պետ Տիգրան Մանվելյանն ասաց, որ Հայաստանի հիմնական նվաճումը բարեփոխումների գործընթացն է:
«Ամբողջ նպատակն է՝ լինի ԵՄ-ի հետ 2017 թվականին կնքված Համաձայնագիրը, երկրում բարեփոխումներ կատարել բոլոր ոլորտներում, դա՝ սկսած մարդու իրավունքներից, արդարադատությունից, տնտեսական ոլորտից, միջանձնական շփումներից և այլն։ Մեր կյանքում բացակա ոլորտ չկա, որ ներգրավված չլինի և՛ ԱլԳ գործընթացներում, և՛ ԵՄ-Հայաստան համաձայնագրով։ Մեր հիմնական նպատակն ու նվաճումը բարեփոխումների գործընթացն իր տրամաբանական ավարտին հասցնելն է»,- ասաց Արտաքին գործերի նախարարության պաշտոնյան։
Ըստ պարոն Մանվելյանի՝ եվրոպական արժեհամակարգը Հայաստանին ամենամոտ կանգնածն է՝ ամենահոգեհարազատն է, լինի՝ մարդու իրավունքներ, ժողովրդավարություն, թե՝ օրենքի գերակայություն: «Դրանք այն հիմնանպատակներն են, որ երկիրը հռչակել է, որոնք միանշանակորեն համահունչ են եվրոական արժեհամակարգին»,- նշեց Տիգրան Մանվելյանը։
Մանրամասները՝ տեսանյութում:
Ռոբերտ Անանյան
