14.12.2024 | 19:57
Ինչ իրավիճակ է ճանապարհներին 19։35-ի դրությամբ
Սևանա լճի մակարդակը 45 սմ-ով կբարձրանա հունիսին՝ ջրառից առաջ․ Ֆելիքս Ցոլակյան․ ՏԵՍԱՆՅՈՒԹ
Քաղաքականություն
04.04.2019 | 12:22
Արտակարգ իրավիճակների նախարար Ֆելիքս Ցոլակյանն այսօր՝ ապրիլի 4-ին, Կառավարության նիստում տեղեկացրեց, որ այս տարի հանրապետության հովտային և նախալեռնային շրջաններում ցրտահարություն 99 տոկոսով տեղի չի ունենալու, ապրիլ-մայիս ամիսների ընթացքում էլ տեղումների քանակն ավելի է լինելու, իսկ հունիս ամսին՝ նորմայի սահմաններում։
Ըստ ԱԻ նախարարի՝ գետերի լցվածության աստիճանն էլ նորմայի սահմաններում է։
Անդրադառնալով Սևանալ լճի մակարդակին՝ նախարարը նշեց, որ այսօրվա դրությամբ նախորդ տարվա համեմատ 7 սմ-ով լճի մակարդակը պակաս է, ինչը նորմայի սահմաններում է։
«Սևանա լճի մակարդակը 45 սմ կբարձրանա հունիս ամսին՝ ջրառից առաջ»,- ասաց Ֆելիքս Ցոլակյանը՝ մանրամասնելով, թե այդ 45 սմ բարձրացումն ինչպես է տեղի ունենալու։
Ցոլակյանը նաև հավելեց, որ ջրառից հետո արդեն Սևանա լճի մակարդակը դեկտեմբերի վերջին և 2020 թ․ հունվարի սկզբին 5-10 սմ-ով ավել կլինի այս տարվա համեմատ։
Մանրամասները՝ տեսանյութում։
Աղավնի Սուքիասյան
