Քաղաքականություն
04.04.2019 | 12:05Կառավարության ապրիլի 4-ի նիստի օրակարգային հարցերին անդրադառնալուց առաջ վարչապետ Նիկոլ Փաշինյանը հրահանգեց Ազգային անվտանգության ծառայության տնօրենին շատ կոշտ հակահարված հասցնել սոցիալական ցանցերում և ԶԼՄ-ներում հասարակական կարծիքի մանիպուլյացիաների դրսևորումներին։
«Եթե որոշ հանցավոր շրջանակներ միլիոններ են ծախսելու սոցիալական ցանցերում, լրատվամիջոցներում հասարակական կարծիքի մանիպուլյացիաների համար, դա ազգային անվտանգության խնդիր է, և ես հույս ունեմ, որ Ձեր ծառայությունը կկարողանա այս հարցում ապահովել կոնկերտ արդյունքներ։ Սոցիալական ցանցերում կան հեղափոխական դրոշներով հանդես եկող ֆեյքեր, որոնք բռնությունների կոչեր են անում՝ ընդհուպ նախկին իշխանությունների հասցեին՝ ցույց տալով, թե մեր հեղափոխական շրջանակների հետ կապ ունեն: Էս կարգի մանիպուլյացիաները պետք է շատ կոշտ հակահարված ստանան՝ իհարկե որևէ ձևով կասկածի տակ չդնելով ՀՀ-ում խոսքի և արտահայտվելու իրավունքը»,- ասաց վարչապետը:
Մանրամասները՝ տեսանյութում։
Աղավնի Սուքիասյան
