17.11.2024 | 13:26
Ակադեմիական միջավայրի ձեր այսօրը ուղղակիորեն պայմանավորում է ձեր վաղվա անելիքը․ նախարարի շնորհավորանքը
Փաշինյանը նախկին օլիգարխներին զգուշացնում է վերջին անգամ․ ծնոտներին դաժան հարված կստանան․ ՏԵՍԱՆՅՈՒԹ
Քաղաքականություն
04.04.2019 | 11:43
Երեկվանից սոցիալական ցանցերը ողողված են այն տեղեկությամբ, որ գազալցակայաններում գազի թանկացում է տեղի ունեցել։ Այսօր Կառավարության նիստի օրակարգային հարցերին անդրադառնալուց առաջ ասաց ՀՀ վարչապետ Նիկոլ Փաշինյանը՝ խնդրի վերաբերյալ պարզաբանում պահանջելով Շուկայի վերհսկողության տեսչական մարմնի ղեկավար Արմեն Կոտոլյանից։
Ըստ Կոտոլյանի՝ գազի գնի փոփոխություն տեղի չի ունեցել, պարզապես գազի խտությունը վերջին տարիներին եղել է 7․1․ իսկ վերջին օրերին այդ խտությունը դարձել է 7,9։
«Պետք է տնտեսվարողները կատարեին անհրաժեշտ փոփոխություն, ինչը չեն արել, հետևաբար սպառողները ստիպված են եղել ավել գումար վճարել։ Շուկայի վերահսկողական տեսչական մարմինը պահանջել է բոլոր տնտեսվարողներից կատարել անհրաժեշտ փոփոխություն իրենց ծրագրերում, որպեսզի սպառողները ավել գումար չվճարեն»,- մանրամասնեց Կոտոլյանը՝ նշելով, որ դա դիտարկում են որպես հմարավոր չարաշահում։
Վարչապետ Փաշինյանը ՊԵԿ նախագահ Դավիթ Անանյանից հետաքրքրվեց՝ իսկ հնարավո՞ր է գազալցակայանների տերերը փորձեն այդ տարբերակով արձագանքել Կառավարության կողմից ստվերի կրճատմանն ուղղված քայլերին և դիմեն պրովոկացիաների։
Հարցին ի պատասխան Դավիթ Անանյանը պատասխանեց, որ դա տեսականորեն հնարավոր է, ինչին ի պատասխան Փաշինյանը հավելեց․ «Ոմանք փորձում են մանիպուլյացիաներ անել և պետական մարմինների աշխատանքը պետք է լինի շատ կոշտ։ Որոշ նախկին օլիգարխներ, եթե մտածում են, որ կարող են մանիպուլյացիաների դաշտ մտնել, սխալվում են։ Ես նորից ասում եմ՝ որևէ մեկը թող չմտածի, թե մեր բարեկրթությունը կարող են շփոթել թուլության հետ․ զգուշացնում եմ վերջին անգամ, շատ դաժան հարված կստանան անձնապես, որևէ մեկը թող չտրվի գայթակղությանը՝ ժողովրդի վստահությունը ստացած Կառավարության հակահարվածի ուժը կստանան ուղիղ իրենց ծնոտին»:
Մանրամասները՝ տեսանյութում։
Աղավնի Սուքիասյան
