29.03.2026 | 22:16
Հրդեհ ավտոմեքենայում․ տուժածներ չկան
Գրավատների սեփականատերերը պետք է ազնիվ լինեն և խոստովանեն․ ՊԵԿ նախագահ․ ՏԵՍԱՆՅՈՒԹ
Տնտեսություն
03.04.2019 | 16:06
Հարկային օրենսգրքի և հարակից օրենքների փաթեթը ուժի մեջ է մտնելու 2020 թվականի հունվարի 1-ից, հետևաբար գազավորված ըմպելիքների և շաքար պարունակող ըմպելիքների համար սահմանված ակցիզային հարկը դեռ չկիրառելուԿառավարության որոշումը չի կարող բացասաբար ազդել 2019 թվականի պետական բյուջեի հարկային եկամուտների վրա։ Այս մասին այսօր հրավիրված մամուլի ասուլիսի ընթացքում, պատասխանելով հարցին՝ արդյոք գազավորված ըմպելիքների համար հարկային բեռի ավելացումը ժամանակավորապես չկիրառելը չի՞ ազդի պետեկամուտների հավաքագրումների վրա, ասաց Դավիթ Անանյանը։
Ինչ վերաբերում է գրավատների սեփականատերերի բողոքներին՝ պետտուրքը 100 հազար դրամից մինչև 6 մլն դրամ դարձնելու առաջարկին, Դավիթ Անանյանը նշեց, որ գրավատների սեփականատերերը պետք է ազնիվ լինեն և խոստովանեն, որ գրավատների համար սահմանված 100 հազար դրամի պետտուրքը տասը տարի է ՝ չի փոխվել, այնպես որ հարկային բեռը այդքան էլ չի բարձրանում։
«129 գրավատուն 2018 թվականի ընթացքում վճարել է 140 մլն դրամ հարկ, իսկ 17 բանկ միասին վերցրած՝ 49 մլրդ դրամ հարկ: Այսինքն՝ եթե ֆինանսական ծառայությունների մատուցման շղթայում գրավատներ չունենանք, ապա այդ ծառայությունները այլ ծառայություններ կարող են իրականացնել»,- ասաց Անանյանը՝ նշելով, որ փոխանակման կետերի հետ կապված էլ սահմանված է նրանց գործունեության հետ համադրելի հարկային պարտավորություն։
Մանրամասները՝ տեսանյութում։
Աղավնի Սուքիասյան
