02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Ավազակային հարձակում Երևանի սննդի կետերից մեկում. 28-ամյա քաղաքացի է բերման ենթարկվել. Shamshyan.com
Հասարակություն
02.04.2019 | 22:09
SHAMSHYAN.com-ի տեղեկություններով՝ այսօր՝ ապրիլի 2-ին, ոստիկանության Երևան քաղաքի վարչության քրեական հետախուզության բաժնի ծառայողները, ստացված օպերատիվ տեղեկություններն իրացնելով, ոստիկանության Երևան քաղաքի վարչություն են բերման ենթարկել Աբովյան քաղաքի Չափիչի փողոցի բնակիչ, 28-ամյա Կորյուն Մխիթարյանին:
Վերջինս կասկածվում է, որ երեկ՝ ապրիլի 1-ին, գիշերը ժամը 05:00-ի սահմաններում Երևան քաղաքի կենտրոն վարչական շրջանի Կորյունի փողոցի 11 հասցեում գործող արագ սննդի կետում դանակի սպառնալիքի տակ կատարել է ավազակային հարձակում:
Կատարված ավազակային հարձակման մասին սննդի կետի աշխատակիցները, չգիտես ինչու, չէին տեղեկացրել իրավապահներին, իսկ տեղեկությունները Երևան քաղաքի ոստիկանության քրեական հետախուզության բաժնում օպերատիվ տվյալներով են ստացված եղել ու դանակով զինված ու դիմակավորված ստահակին հայտնաբերելու և վնասազերծելու օպերացիան ղեկավարել է ոստիկանության Երևան քաղաքի վարչության պետ, ոստիկանության գնդապետ Գարիկ Ղուկասյանը:
Ոստիկանությունում պետք է պարզվի նաև, թե ինչի համար սննդի կետի աշխատակիցները չեն դիմել իրավապահներին ու նրանք իրենց այդ քայլով կծնեին նոր հանցագործություն կամ հանցագործություններ, քանի որ հանցագործը, մնալով անպատիժ, չէր բացառվում, որ կաներ մեկ այլ հանցագործություն, մինդեռ ոստիկանության Երևան քաղաքի վարչության աշխատակիցները, ցուցաբերելով բարձր պրոֆեսիոնալիզմ, բացահայտեցին ոչ միայն ծանր հանցագործությունը, այլև վնասազերծեցին կասկածյալին:
Մանրամասները՝ սկզբնաղբյուր կայքում:
