09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մեկը ոտք դնի Արցախ, մեկը՝ չդնի, որևէ մեկը դա որոշողը չէ․ Վահրամ Բաղդասարյանը՝ Վիտալի Բալասանյանի հայտարարության մասին. ՏԵՍԱՆՅՈՒԹ
Քաղաքականություն
02.04.2019 | 17:12
1992 թվականից հետո մենք ոչ մի անգամ պատերազմն ավարտված չենք համարել։ Այս մասին Եռաբլուրում քառօրյա պատերազմի զոհերի հիշատակին նվիրված այցի ընթացքում լրագրողների հետ զրույցում նշեց ԱԺ ՀՀԿ խմբակցության նախկին ղեկավար Վահրամ Բաղդասարյանը։
«Բնականաբար, երեք տարի առաջ տեղի ունեցածը ցույց տվեց աշխարհին, որ ցանկացած ժամանակ հայ ժողովուրդը կարող է լինել միասնական, երբ խնդիրը վերաբերում է երկրի անվտանգությանը: Այն, ինչ կատարվեց՝ անսպասելի էր։ Սա պետք է դաս լիներ Ալիևին և նրա ոճրագործներին, որ չի կարելի նման լեզվով խոսել մեր երկրի հետ։ Անկախ քաղաքական վայրիվերումներից, մեր ազգը նմա իրավիճակների դեպքում միշտ միասնական է»,- նշեց Վահրամ Բաղդասարյանը։
Անդրադառնալով Արցախի ԱԽ քարտուղար Վիտալի Բալասանյանի հայտարարությանը, թե նրանք, ովքեր Արցախը մարզ են համարում, պետք է այնտեղ ոտք չդնեն, Վահրամ Բաղդասարյանը նշեց․ «Նման հայտարարություններ անել, թե մեկը ոտք դնի Արցախ, մեկը՝ չդնի, որևէ մեկը դա որոշողը չէ։ Արցախը և Հայաստանը մեր ընդհանուր հայրենիքն են, և մենք բոլորս պարտավոր ենք ոչ միայն ոտք դնել, այլ նաև մտահոգված լինել»։
Մանրամասները՝ տեսանյութում:
Նելլի Մելքոնյան
