23.03.2026 | 15:55
Lեռնադահուկորդ Գլեբ Մոսեսովը՝ միջազգային մրցաշարի կրկնակի հաղթող
Սա հակամարտություն է Հայաստանի և Ադրբեջանի միջև ու ավարտվել է պատերազմի միայն առաջին փուլը. Ալիև
Քաղաքականություն
02.04.2019 | 15:23
Վիեննայում ղարաբաղյան հակամարտության կարգավորման հարցի շուրջ հանդիպումը ևս մեկ անգամ հաստատեց բանակցությունների ձևաչափը․ դրանք տեղի են ունենալու Հայաստանի և Ադրբեջանի միջև։ Այս մասին հայտարարել է Ադրբեջանի նախագահ Իլհամ Ալիևը՝ երկուշաբթի՝ Պաշտպանության նախարարության հատուկ նշանակության հատուկ ուժերի զորամիավորում կատարած այցի ընթացքում։ Այս մասին հայտնում է Interfax գործակալությունը։
«Վիեննայում մարտի 29-ին տեղի ունեցած վերջին հանդիպումը կարևոր էր, այդ թվում՝ բանակցությունների գործող ձևաչափի հաստատման տեսանկյունից»,- նշել է Ալիևը։
Ալիևը նշել է, որ Ադրբեջանը խոչընդոտել է Հայաստանի նոր կառավարության՝ բանակցային գործընթացի ձևաչափը փոխելու փորձը։ «Փորձում էին փոխել բանակցությունների ձևաչափը, բայց Ադրբեջանի միանշանակ դիրքորոշումը կանխեց դա»,- հայտարարել է Ադրբեջանի նախագահը։
«Սա հակամարտություն է Հայաստանի և Ադրբեջանի միջև։ Հայաստանն օկուպացրել է մեր տարածքները, և այդ օկուպացված տարածքներում զինծառայողների 80%-ը Հայաստանի քաղաքացիներ են։ Այդ իսկ պատճառով՝ բանակցությունները պետք է Հայաստանի և Ադրբեջանի միջև անցկացվեն»,- ասել է Ադրբեջանի նախագահը։
Ադրբեջանի նախագահը հավելել է, որ Հայաստանի հետ պատերազմը չի ավարտվել, ավարտվել է նրա միայն առաջին փուլը։
Նելլի Մելքոնյան
