09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
«Եռաբլուրում» կոտրել են Արմենակ Ուրֆանյանի հարազատների և News.am կայքի թղթակցի ավտոմեքենաների ապակիները և թալանել
02.04.2019 | 14:32
«Եռաբլուր» զինվորական պանթեոնում, այսօր՝ ապրիլի 2-ին, անհայտ անձինք ավտոմեքենաներ են թալանել, որոնցից մեկը պատկանում է ապրիլյան պատերազմում զոհված կապիտան Արմենակ Ուրֆանյանի հարազատներին, մյուսը՝ News.am կայքի թղթակցին։
NEWS.am-ի թղթակիցը հաղորդում է, որ կողային ապակիները կոտրելու միջոցով Ուրֆանյանի հարազատների մեքենայից հափշտակել են խոշոր գումար, մյուս մեքենայից՝ թանկարժեք իրեր։
Ոստիկանությունից Factor.am-ին փոխանցեցին, որ ահազանգ են ստացել, որ երկու մեքենայից գողություն են կատարել և հետաքննություն է կատարվել։
Հստակեցնող հարցին, թե միայն երկու դեպք է գրանցվել, ոստիկանությունից դրական պատասխան տվեցին։ Ուշագրավ է, որ դեպքը տեղի է ունեցել հենց այն ժամանակ, երբ «Եռաբլուր» էր այցելել ՀՀ վարչապետ Նիկոլ Փաշինյանը և այդ ընթացքում «Եռաբլուրում» ուժեղացված հսկողություն էին իրականացնում ոստիկաններն ու վարչապետի անվտանգությունը հսկող անձինք։
Լիլիթ Շաբոյան
