17.01.2026 | 18:34
Մահացել է դերասանուհի Զառա Արամյանը
Հանրային ինստիտուտները կարիք ունեն տրասնֆորմացիայի, դրանք պետք է դառնան ժողովրդավարական, ինչպես նաև վերահսկելի քաղաքացու և հանրության կողմից․ Լարիսա Մինասյան․ ՏԵՍԱՆՅՈՒԹ
Քաղաքականություն
02.04.2019 | 12:02
«Գործընկերություն հանուն բաց հասարակության» նախաձեռնությունն այսօր՝ ապրիլի 2-ին հանրային քննարկում է կազմակերպել «Հետհեղափոխական Հայաստան. համակարգային խնդիրների՝ համակարգային լուծումներ» խորագրով, որին մասնակցում են 60-ից ավելի կազմակերպություններ։
«Բաց հասարակության Հիմնադրամներ-Հայաստանի» գործադիր տնօրեն Լարիսա Մինասյանը բացման խոսքում նշեց, որ այս միջոցառման նպատակն է՝ ներկայացնել մի շարք կազմակերպությունների կողմից մշակված փաստաթուղթ, որով նրանք արտահայտել են իրենց տեսլականը հեղափոխությանը հաջորդող փուլի վերաբերյալ՝ կարևորելով ոչ միայն խորհրդարանի, այլ նաև հանրային բոլոր ինստիտուտների ժողովրդավարացման գործընթացը։
«Խորհրդարանը, հանրային ինստիտուտները կարիք ունեն տրասնֆորմացիայի: Չլինելով ժողովրդավարական և ժողովրդական՝ պետք է դառնան այդպիսին, ինչպես նաև վերահսկելի քաղաքացու և հանրության կողմից։ Դա հեշտ խնդիր չէ, որովհետև հակառակ գործընթացը կատարվել է 15 տարի շարունակ»,- ասաց Լարիսա Մինասյանը՝ շեշտելով, որ մի շարք կազմակերխություններ այս նպատակին հասնելու համար տևական ժամանակ մշտադիտարկում են իրականացրել տարբեր ոլորտներում՝ մատնանշելով այն բարեփոխումները, որոնք անհրաժեշտ են՝ իսկապես ժողովրդավարական ինստիտուտներ ունենալու համար։
Մանրամասները՝ տեսանյութում։
Աղավնի Սուքիասյան
