10.09.2026 | 15:10
Սոչիում ուկրաինական անօդաչու մոտորանավակների հարձակման հետևանքով վիրավորների թիվը հասել է 28-ի
Մաղթում եմ արդյունավետ աշխատանք, որի արդյունքում հնարավոր կլինի առանձնացնել Հայաստանի տնտեսության մեջ կիրառելի որոշակի մոդելներ. Սվիտալսկին՝ գիտաժողովին
01.04.2019 | 17:10
Այսօր ԵՄ դեսպան Պյոտր Սվիտալսկին մասնակցել է «Տնտեսության և քաղաքականության արդյունավետ զարգացման մոդելավորում» թեմայով միջազգային տնտեսական գիտաժողովին. տեղեկացնում է ՀՀ-ում ԵՄ դեսպանության ֆեյսբուքյան էջը:
Միջոցառմանը մասնակցում էին միջազգային և տեղական գիտնականներ ու ֆիզիկոսներ, ովքեր աշխատում են այնպիսի արդիական ոլորտներում, ինչպիսիք են՝ տնտեսության մոդելավորման նորարարական թեորիաները, քաղաքական և սոցիալական վարքագծերը, որոշումների կայացման քվանտային թեորիան, ֆինանսական ռիսկերի և ճգնաժամերի կանխատեսումները, արդյունաբերական հետազոտությունները և զարգացումները, որոնք հաջողությամբ կարելի է կիրառել և արդյունավետորեն օգտագործել ի նպաստ Հայաստանի տնտեսության: Միջոցառման կայացմանը աջակցել է Եվրոպական միությունը՝ «Աջակցություն ՓՄՁ զարգացմանը Հայաստանում» ծրագրի միջոցով:
Միջոցառմանը ԵՄ դեսպանը հանդես եկավ ողջույնի խոսքով և մասնակիցներին մաղթեց արդյունավետ աշխատանք, որի արդյունքում հնարավոր կլինի առանձնացնել Հայաստանի տնտեսության մեջ կիրառելի որոշակի մոդելներ:
Միջոցառմանը ներկա էին նաև ՀՀ փոխվարչապետ Տիգրան Ավինյանը, ՀՀ տնտեսական զարգացման և ներդրումների նախարար Տիգրան Խաչատրյանը և ՀՀ ֆինանսների նախարար Ատոմ Ջանջուղազյանը:
