10.01.2025 | 23:14
ՊԵԿ նախագահն ընդունել է Հնդկաստանի դեսպանին
Որևէ ափսոսանք չունենք. Մարուքյանը՝ մեկ տարի առաջ Նիկոլ Փաշինյանի հետ քայլարշավի դուրս չգալու մասին. ՏԵՍԱՆՅՈՒԹ
Քաղաքականություն
01.04.2019 | 13:06
Ամենամեծ խնդիրը կադրային քաղաքականությունն է և բազմաթիվ բնագավառներում տեսլական չունենալը: Եթե լիներ տեսլական յուրաքանչյուր ոլորտի մասին և կադրային քաղաքականությունն ավելի լավը լիներ, քան կա, հեղափոխության արդյունքների կապիտալիզացիան մոտավորապես հինգ անգամ ավելի արդյունավետ կլիներ: Այս մասին այսօր խորհրդարանական ճապազրույցների ժամանակ ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը:
«Մեկ տարի է՝ Կառավարությունն աշխատում է, և իրենք էլ չգիտեն, թե ինչ կառուցվածք են ուզում: Մեկ տարի է՝ չգիտեն փոխմարզպետներին ազատելո՞ւ են, թե՞ ոչ: Հինգ ժամ կարող եմ ասել, թե էլի ինչեր: Մի տարի է՝ Հարկային օերնսգրքից խոսում ենք, երեկ նոր ստացել ենք Հարկային օրենսգրքի փոփոխությունների փաթեթը»,- ասաց Մարուքյանը:
Հարցին՝ ափսոսո՞ւմ են, որ մեկ տարի առաջ չեն միացել Նիկոլ Փաշինյանի քայլարշավին, գուցե այդ ժամանակ կադրերը հենց իրենց շարքերից փոխլրացվեին, Մարուքյանն արձագանքեց. «Այնպես չի, որ մեզնից կադրեր չեն գնացել Կառավարություն: Եթե առաջարկ եղել է, ասել ենք՝ գնացեք, աշխատեք: Որևէ ափսոսանք չունենք, դրա մասին շատ ենք խոսել, եթե ինչ-որ բան սխալ արած լինեինք, ապա քաղաքական արենայում գոյություն չէինք ունենք, մինչդեռ ավելին ենք, քան կայինք: Ամեն ինչ շատ լավ է եղել, շատ ճիշտ է եղել: Հիմա պետք է ոչ թե հետ նայել ու տեսնել, թե ով ինչ ասեց ու արեց, այլ առաջ նայենք ու կապիտալիզացնենք ունեցածը»:
Խմբակցության ղեկավարը հավելեց նաև, որ մեր ժողովուրդն անհամբեր է, ամենօրյա ռեժիմով սպասում է արդյունքների, որ իր կյանքը լավանա հազար ու մի ոլորտում: Մինչդեռ մարդիկ, ասում է Մարուքյանը, արձանագրում են, որ կյանքը վատանում է, կրճատումներ են լինում:
«Ուզում եմ մի օրինակ բերել. Մշակույթի նախարարության պետական հուշարձանների պահպանության ՊՈԱԿ-ի աշխատակիցները, որ ամսական 50 հազար դրամ աշխատավարձ են ստանում, յուրաքանչյուր ամիս բարձրանում էին որևէ սարի, լանջի վրա՝ տեսնելու համար այս կամ այն հուշարձանն ի՞նչ վիճակում է: Հիմա արդեն մի քանի ամիս է՝ այդ մարդիկ հավելյալ գումարները չեն ստանում ու իրենց գրպանից են գումար ծախսում, որ գնան, տեսնեն, թե այդ հուշարձաններն ինչ վիճակում են»,- ասաց Մարուքյանը:
Մանրամասները՝ տեսանյությում:
Նարեկ Կիրակոսյան
