28.09.2026 | 16:26
Փոփոխություններ` Հայաստանի Մ-20 և Մ-21 հավաքականներում
Երբ Ալիևը հայտարարում է՝ բանակցային գործընթացի փոփոխություն չի լինելու, սա երկու փաստի մասին է խոսում. Ի. Տոնոյան. ՏԵՍԱՆՅՈՒԹ
Քաղաքականություն
01.04.2019 | 12:02
Փաշինյան-Ալիև հանդիպման ժամանակ բեկում չի արձանագրվել: Այս մասին ԱԺ ճեպազրույցների ժամին հայտարարեց ԲՀԿ խմբակցության պատգամավոր Իվետա Տոնոյանը։
«Ակնկալիքն այնպիսին էր, որ առաջին բանակցության ընթացքում Լեռնային Ղարաբաղը որպես բանակցային կողմ ներգրավելու վերաբերյալ հնչեցին տեսակետներ, սակայն տարածած հաղորդագրորթյունից պարզ է դառնում, որ այդ մասով չկա որևէ դիտարկում»,- ասաց Տոնոյանը։
Նա ընդգծեց՝ պարզ չէ, թե ինչի մասին է խոսվել 3.5 ժամ տևած հանդիպման ընթացքում՝ հավելելով, որ դրանից հետո Ալիևի հայտարարությունը, թե բանակցային ձևաչափի փոփոխություն չի լինելու, նշանակում էր այն, որ կա՛մ Արցախի վերադարձը բանակցային սեղան բարձրաձայնվել է և նա բացասական պատասխան է տվել, կա՛մ էլ իր այդ հայտարարությամբ կանխել է նման բովանդակությամբ հայտարարությունները։
Մանրամասները՝ տեսանյութում:
Նարեկ Կիրակոսյան
