17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Նիկոլ Փաշինյանը՝ Վիեննայում Իլհամ Ալիևի հետ հանդիպման մասին. ՈՒՂԻՂ
Քաղաքականություն
01.04.2019 | 11:41
Ղարաբաղի՝ բանակցային սեղանին վերադառնալու հարցը քննարկվել է Վիեննայում կայացած հանդիպմանը, հայկական կողմը լրջորեն փաստարկել է այդ անհրաժեշտությունը, սակայն այդ հարցում համաձայնության հասնել չի հաջողվել։ Այս մասին իր ֆեյսբուքյան ուղիղ եթերում նշեց ՀՀ վարչապետ Նիկոլ Փաշինյանը՝ անդրադառնալով ԵԱՀԿ Մինսկի խմբի համանախագահների միջնորդությամբ մարտի 29-ին Վիեննայում կայացած Փաշինյան-Ալիև հանդիպմանը։
Նիկոլ Փաինյանն ընդգծեց, որ Ղարաբաղի՝ բանակցային սեղանին վերադարձնելու հայկական կողմի դիրքորոշումն անփոփոխ է և այս հարցով քննարկումները շարունակվելու են։ Փաշինյանը անդրադարձավ նաև Մադրիդյան սկզբունքների հետ կապված պարզաբանումներ ստանալու մասին իր հայտարարությանը՝ նշելով, որ այդ հարցը ևս բարձրացվել է Ադրբեջանի նախագահի և ԵԱՀԿ համանախագահների մասնակցությամբ։
Փաշինյանը նշեց, որ այդ հարցերի շուրջ հայկական կողմը սպասված պատասխանները չի ստացել, քանի որ դրանք շատ ծավալուն հարցեր են և հնարավոր չէ մեկ հանդիպման ընթացքում այդ ամենի շուրջ լիարժեք բացատրություն ստանալ։ Դա, ըստ վարչապետի, նշանակում է, որ այդ հարցերի շուրջ քննարկումները ևս պետք է քննարկվեն առաջիկա հանդիպումներում։
Վարչապետն անդրադարձավ նաև երկու երկրների հանրություններին խաղաղության նախապատրաստելու շուրջ Վիեննայում կայացած քննարկումներին։ Նիկոլ Փաշինյանն ընդգծեց, որ բանակցություններում առկա է նոր մթնոլորտ և նոր ասելիք։ Եթե Ղարաբաղը ընդգրկվի բանակցային գործընթացում, արդյոք դա կլինի Ադրբեջանի համար պարտություն՝ հարց հնչեցրեց վարչապետը՝ արձանագրելով․ «Իհարկե՝ ոչ»։
Մանրամասները՝ տեսանյութում:
