14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Օպերային թատրոնը նոր տնօրեն ունի. Նազենի Ղարիբյանը թատրոնում հանդիպել է աշխատակիցների հետ
Հասարակություն
29.03.2019 | 21:14
ՀՀ մշակույթի նախարարի պարտականությունները կատարող Նազենի Ղարիբյանն այցելել է Ալեքսանդր Սպենդիարյանի անվան օպերայի և բալետի ազգային ակադեմիական թատրոն և հանդիպել թատրոնի աշխատակիցների հետ, որոնք նախարարի պարտականությունները կատարողից պահանջել են ներկայացնել այն հիմնավորումները, որոնք դրվել են թատրոնի գեղարվեստական ղեկավար Կոնստանտին Օրբելյանի՝ աշխատանքից ազատման հիմքում:
Աշխատակիցները պնդել են՝ Կ. Օրբելյանը մեծ ներդրում է կատարել օպերային արվեստում:
Նազենի Ղարիբյանն ի պատասխան նշել է, որ նրա ազատման որոշումն օրենքի պահանջ է եղել:
«Պարոն Օրբելյանը նշանակվել է տնօրեն օրենքի խախտումներով: Մենք փորձել ենք այս ամիսների ընթացքում հասկանալ՝ ինչպես կարող ենք այս խնդիրը լուծել: Կա օրենքի պահանջ, որը պետք է կատարել»,-ասել է Ղարիբյանը և հավելել, որ նշանակվել է թատրոնի նոր տնօրեն, իսկ պարոն Օրբելյանը շարունակում է մնալ թատրոնի գեղարվեստական ղեկավարը և որևէ մեկը նրան չի հեռացնում թատրոնից:
