13.08.2026 | 11:23
Ռուսական ուժերն Օդեսայի մարզում ուղևորատար գնացքի են հարվածել․ 2 զոհ կա
Վերաքննիչը ՆԶՊ ուսուցչին նախկին աշխատանքին վերականգնելու վճիռն անփոփոխ թողեց. ՀՔԱՎ
Հասարակություն
29.03.2019 | 20:43
ՀՔԱՎ փոխանցմամբ՝ 2019թ․ մարտի 15-ին ՀՀ Վերաքննիչ քաղաքացիական դատարանը անփոփոխ թողեց Երևանի 75-րդ դպրոցի ՆԶՊ ուսուցիչ Մովսես Շահվերդյանին աշխատանքից ազատելու հրամանը անվավեր ճանաչելու և նախկին աշխատանքին վերականգնելու Երևան քաղաքի ընդհանուր իրավասության դատարանի վճիռը։
2010թ.-ից անորոշ ժամկետով պայմանագրով Երևանի 75-րդ դպրոցում աշխատող Մ. Շահվերդյանի հետ տնօրեն Աննա Գրիգորյանը 2015 թ.-ին 1 տարի ժամկետով նոր պայմանագիր է կնքել՝ իր պատճառաբանությամբ՝ կենսաթոշակային տարիքը լրանալով պայմանավորված, և 2016թ. օգոստոսի 31-ին 1 տարի ժամկետով կնքնված պայմանագիրը լուծել՝ ՀՀ աշխատանքային օրենսգրքի 113-րդ հոդվածի 11-րդ կետի հիմքով:
Հելսինկյան քաղաքացիական ասամբլեայի Վանաձորի գրասենյակը ստանձնել էր Մովսես Շահվերդյանի իրավունքների պաշտպանությունը և նրան նախկին աշխատանքին վերականգնելու պահանջով դիմել դատարան։
Երևան քաղաքի ընդհանուր իրավասության դատարանը վճռել է անվավեր ճանաչել Երևանի 75-րդ դպրոցի տնօրեն Աննա Գրիգորյանի՝ ՆԶՊ ուսուցիչ Մովսես Շահվերդյանին աշխատանքից ազատելու՝ 2016թ. օգոստոսի 31-ի հրամանը, նրան վերականգնել նախկին աշխատանքին անորոշ ժամկետով պայմանագրով և գործատուից, հօգուտ Մովսես Շահվերդյանի, գանձել միջին ամսական աշխատավարձ՝ հարկադիր պարապուրդում գտնվելու ժամանակահատվածի համար:
Դատարանի վճռի դեմ վերաքննիչ բողոք էր ներկայացրել Երևանի 75-րդ դպրոցը։
