07.08.2026 | 21:17
Իզյումի վրա ռուսական հարվածի հետևանքով 2 մարդ է զոհվել
Թատրոնների տնօրենները հերթով ազատվում են աշխատանքից
Մշակույթ
29.03.2019 | 18:26
Այսօր աշխատանքից ազատվել է Վանաձորի Հովհաննես Աբելյանի անվան պետական դրամատիկական թատրոնի տնօրեն Ագնեսա Շահնազարյանը:
Factor.am-ի հետ զրույցում Շահնազարյանն ասաց, որ իր աշխատանքային պայմանագրի ժամկետը լրացել է: Հարցին, արդյոք նոր պայամանագիր կկնքեն իր հետ, դերասանուհին պատասխանեց. «Այդ հարցին իսկապես չեմ կարող պատասխանել, քանի որ չգիտեմ: Կասեմ, որ այս պահին ճանապարհին եմ և գալիս եմ Վանաձոր՝ ներկայացման»:
Ագնեսա Շահնազարյանը տնօրենի պաշտոնը զբաղեցնում էր 2 տարի 3 ամիս:
Հիշեցնենք, որ ՀՀ մշակույթի նախարարի պարտականությունները կատարող Նազենի Ղարիբյանի որոշմամբ այսօր զբաղեցրած պաշտոնից ազատվել է նաև Ա. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար և տնօրեն Կոնստանտին Օրբելյանը:
Տաթևիկ Ղազարյան
