09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Դատախազությունը միջնորդել է կասեցնել երեկ ձերբակալված դատավորի լիազորությունները
Հասարակություն
29.03.2019 | 16:24
ՀՀ գլխավոր դատախազությունը երկու միջնորդություն է ներկայացրել բարձրագույն դատական խորհրդին երեկ ձերբակալված դատավորի նկատմամբ քրեական հետապնդում հարուցելուն և դատավորի լիազորությունները կասեցնելու վերաբերյալ:
Այս մասին Factor.am-ին ասաց դատախազության հանրային կապերի բաժնի պետ Արևիկ Խաչատրյանը։
Հիշեցնենք, որ կաշառքի գործով ձերբակալված դատավորը Կոտայքի մարզի ընդհանուր իրավասության դատարանի դատավոր Գագիկ Հեբոյանն է։ Ըստ ԱԱԾ հաղորդագրության՝ դատավորի կողմից առանձնապես խոշոր չափերով կաշառք ստանալու, վերջինիս օժանդակելու և առանձնապես խոշոր չափերով կաշառք տալու դեպքերի առթիվ ՀՀ քրեական օրենսգրքի 311-րդ հոդվածի 4-րդ մասի 2-րդ և 3-րդ կետերով, 38-311-րդ հոդվածի 4-րդ մասի 2-րդ և 3-րդ կետերով և 312-րդ հոդվածի 3-րդ մասի 1-ին կետով ՀՀ ազգային անվտանգության ծառայության քննչական դեպարտամենտում հարուցվել է քրեական գործ։
Լիլիթ Շաբոյան
