18.05.2026 | 17:16
«Ռադդ քաշի՛, համբալի մեկը»․ թեժ լեզվակռիվ Փաշինյանի և Արթուր Օսիպյանի միջև․ ՏԵՍԱՆՅՈՒԹ
Լրատվական կայքերի միջոցով վիճակախաղերի գովազդները կսահմանափակվեն
Հասարակություն
29.03.2019 | 16:29
Կառավարությունը մարտի 29-ի նիստում որոշեց հավանություն տալ «Գովազդի մասին», «Շահումով խաղերի, ինտերնետ շահումով խաղերի և խաղատների մասին» օրենքներում փոփոխություններին, որով ընդլայնվում են շահումով խաղերը, ինտերնետ շահումով խաղերը, խաղատները, վիճակախաղերը և տոտալիզատորները գովազդելու համար օրենսդրությամբ նախատեսված սահմանափակումները, ինչպես նաև սահմանափակումները խախտելու համար սահմանել տուգանք նվազագույն աշխատավարձի 1000-ապատիկի չափով։
ՀՀ ֆինանսների նախարար Ատոմ Ջանջուղազյանը նշեց, որ կառավարությունը կողմ է առաջարկվող փոփոխություններին եւ անգամ ավելի խստացումների է կողմ:
Գովազդը թույլատրվում է ժամը 21:00-ից մինչև 06:00-ն ընկած ժամանակահատվածում, իսկ ռադիոյով՝ ժամը 08:00-ից մինչև 20:00-ն ընկած ժամանակահատվածում, բացառությամբ սպորտային միջոցառումների հեռարձակման ժամանակ։
Մանկապատանեկան հաղորդումներին նախորդող և հետևող մեկ ժամվա ընթացքում արգելվում է սույն պարբերությամբ հաստատված գովազդը:
Կառավարությունն առաջարկում է նախատեսել, որ լրատվական կայքերի միջոցով վիճակախաղերի գովազդները կարող են իրականացվել «24:00-ից մինչև 06:00-ն» ընկած ժամանակահատվածում:
