14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Արա Մինասյանի նկատմամբ հետախուզումը դատարանը վերացրել է. Վերաքննիչը մերժել է դատախազության բողոքը
Հասարակություն
29.03.2019 | 14:40
«Սուրբ Գրիգոր Լուսավորիչ» ԲԿ-ի նախկին տնօրեն Արա Մինասյանի նկատմամբ հետախուզում հայտարարելու որոշումը վերացնելու՝ առաջին ատյանի դատարանի որոշումը Վերաքննիչ քրեական դատարանը թողել է անփոփոխ: Այս մասին Factor.am-ի հետ զրույցում ասաց ՀՀ գլխավոր դատախազության հանրային կապերի վարչության պետ Արևիկ Խաչատրյանը:
«Նախաքննության ընթացքում Մինասյանի նկատմամբ հետախուզում հայտարարելու որոշում էր կայացվել: Պաշտպանական կողմը բողոքարկել էր քննիչի այս որոշումը, որն առաջին ատյանի դատարանը բավարարել էր: Հետո դատախազը որոշման դեմ վերաքննիչ բողոք էր ներկայացրել, և դատարանը մերժել է բողոքը՝ անփոփոխ թողնելով առաջին ատյանի դատարանի որոշումը»,- նշեց Խաչատրյանը։
Հիշեցնենք, որ ձեռք բերված ապացույցների հիման վրա որոշում էր կայացվել Արա Մինասյանին մեղադրանք առաջադրել առանձնապես խոշոր չափերով խարդախության և մի խումբ անձանց հետ փաստաթղթեր կեղծելու համար: Ըստ Քննչական կոմիտեի հաղորդագրության՝ բժշկական կենտրոնի նախկին տնօրենը 2016-2017 թվականներին փաստաթղթեր կեղծելու և կեղծ փաստաթղթեր օգտագործելու միջոցով խարդախությամբ հափշտակել է առողջապահության նախարարության և «Սուրբ Գրիգոր Լուսավորիչ» բժշկական կենտրոնի միջև կնքված «Պետության կողմից երաշխավորված անվճար և արտոնյալ պայմաններով անվճար բժշկական և սպասարկման ծառայությունների մատուցման մասին» պայմանագրի շրջանակում ընդգրկված «Պետական հիմնարկների և կազմակերպությունների աշխատողների սոցիալական փաթեթով ապահովում» ծրագրով ՀՀ պետական բյուջեից հատկացված առանձնապես խոշոր չափերով գումարները: Նախաքննության արդյունքների համաձայն՝ վնասի չափը կազմում է 426 միլիոն 343 հազար 650 դրամ:
Լիլիթ Շաբոյան
