16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
ՌՈ աշխատակիցները շատ զինվորների «վերբովկա» են անում, երբ դա բացահայտվում է, զինվորը պետք է ինքնասպան լինի․ Գագիկ Մելքոնյան․ ՏԵՍԱՆՅՈՒԹ
Քաղաքականություն
29.03.2019 | 13:38
Մեղրու զորամասում կատարվածը շատ վտանգավոր է մեր երկրի համար․ ի՞նչ է նշանակում՝ հայ զինվորը դառնա դասալիք․ նման մի դեպք տեղի է ունեցել անցյալ դարաշրջանում, երբ մեր զինվորները լքել են Ղարսը, ինչի արդյունքում տարածքներ կորցրինք, այնպես որ, ներկայում էլ նման մի բան կարող է տեղի ունենալ։ Սա ալիքի նման կարող է տարածվել այլ զորամասերում, ուստի բոլորը՝ սպա, թե զինվոր, պետք է խստագույնս պատժվեն։
Այս մասին այսօր հրավիրված մամուլի ասուլիսի ժամանակ, անդրադառնալով Մեղրիի զորամասում տեղի ունեցած դեպքին, ասաց «Ազատամարտիկների դաշինք» միության վարչության նախագահ Գագիկ Մելքոնյանը։
«Ուզում եմ նշել, որ 2000 թվականներից մեր իշխանությունները սկսեցին տեղ տալ գողական հեղինակություններին և բարքերին։ Դա պատճառ դարձավ, որ հիմա նման դեպք ունենանք։ Այս դասալքությունը դրա արդյունքն է։ Գողական բարքերը բանակում պետք է իսպառ վերացվեն»,-ասաց Մելքոնյանը՝ նշելով, որ այստեղ խնդիրներ կան կապված նաև Զինվորական ոստիկանության հետ։
«Զինվորական ոստիկանությունը զորամասերում ունի իր աշխատակիցները, որոնք շատ զինվորների «վերբովկա» են անում, իսկ երբ զինվորները հայտնաբերում են, որ իրենք աշխատում են Զինվորական ոստիկանության համար, կա՛մ պետք է ինքնասպան լինեն, կա՛մ իրենց սպանեն․ նման բաներ կան մեր առօրյայում, ուստի և՛ Ոստիկանությունը, և՛ Դատախազությունը պետք է հետևեն, որ նմանատիպ բարքերը մեր բանակից վերանան»,- ասաց «Ազատամարտիկների դաշինք» միության վարչության նախագահը։
Անդրադառնալով հարցին՝ արդյոք Մեղրիի զորամասը լքած դասալիքներին պատժելու համար Արցախ ծառայության ուղարկելը վիրավորանք չէ՞ Արցախի նկատմամբ, Մելքոնյանն ասաց․ «Եթե մտածում են, որ պատժում են, որ ուղարկում են Արցախ, ես դա չեմ ընդունում, դա սխալ է։ Մեծ պատիվ է տղաներին բերում այն, որ նրանք ծառայում են Արցախում»։
Մանրամասները՝ տեսանյութում։
Աղավնի Սուքիասյան
