Կառավարությունը մերժեց ԼՀԿ-ական պատգամավորների ներկայացրած օրենսդրական նախաձեռնությունները

Կառավարությունը մերժեց ԱԺ «Լուսավոր Հասյաստան» խմբակցության մի խումբ պատգամավորների ներկայացրած «Զինվորական ծառայության և զինծառայողի կարգավիճակի մասին», «ՀՀ պաշտպանության ժամանակ զինծառայողների կյան­քին կամ առողջությանը պատճառված վնասների մասին» օրենքներում փոփոխություններ կատարելու մասին նախագծերը։

Նախագծերով նախատեսվում է սահ­մանել, որ պարտադիր զինվորական ծառայության ժամ­կետը լրանալու հիմքով զինվորական ծառայությունից արձակված շարքային և սպայական կազ­­մերի պար­տա­դիր զինծառայողներն անցնում են առողջական վիճակի համալիր հետա­զո­տում, բժշկական փորձա­քննություն և զինվորական ծառայության ընթացքում և պատճառով ան­ձի առողջական վիճակի վատթարացման դեպքում վերականգման ծախսերի փոխհատուցում Հա­յաստանի Հանրապետության պետական բյուջեի և Հայաստանի Հանրապետության պաշտ­պանության ժամանակ զինծառայողների կյանքին կամ առողջությանը պատճառված վնաս­ների հատուցման հիմնադրամի միջոցների հաշվին:

Կառավարությունը բացասական եզրակացություն տվեց օրենքի նախագծերում փոփոխություններ կատարելու մասին ԼՀԿ-ական պատգամավորների ներկայացրած նախագծերին։

Ըստ Կառավարության հիմնավորման՝  առողջական վիճակի վատթարացումը որպես հասցված վնասի հան­գամանք (դեպք) սահմանելու առաջարկությանը, ապա դրա անհրաժետությունը չի տես­նում, քանի որ օրենքը վնասների հատուցում է նախատեսում Հայաստանի Հանրա­պե­տու­թյան պաշտպանության, մարտական գործողություններին մասնակցելու կամ հակառա­կոր­դի հետ շփման գծում մարտական հերթապահության կամ հատուկ առաջադրանք կա­տա­րելու հետևանքով աշխատունակության կորստի՝ 1-ին կամ 2-րդ խմբի հաշմանդամության առա­ջացման դեպքում՝ առանց տարանջատում դնելու, թե դա տեղի է ունեցել լրիվ առողջ, թե առողջական խնդիրներ ունեցող և զինվորական ծառայության ընթացքում առողջական վիճա­կը վատթարացած զինծառայողի մոտ:

Մանրամասները՝ տեսանյութում։