03.09.2026 | 19:29
Մենք նոր իրավիճակում ենք հայտնվել և փայփայում ենք, որ խաղաղությունը շարունակական լինի. ՀՀ նախագահը՝ Չեխիայի նախագահին
Գերմաներեն ուսումնասիրող աշակերտների այցը Գերմանիա
Քաղաքականություն
28.03.2019 | 22:35
Մարտի 24-ին ԳԴՀ-ում ՀՀ դեսպան Աշոտ Սմբատյանը դեսպանությունում հյուրընկալեց Արցախի մի խումբ գերմաներեն ուսումնասիրող աշակերտների, ովքեր Գերմանիա էին ժամանել դպրոցականների փոխանակման ծրագրով։
Այցը կազմակերպվել էր ԳԴՀ-ում ՀՀ դեսպանության և Սաքսոնիա-Անհալթ երկրամասում ՀՀ պատվավոր հյուպատոս Միխայել Շմիդթի աջակցությամբ։ Հանդիպմանը ներկա էր նաև Արցախի մշտական ներկայացուցիչ Հարություն Գրիգորյանը։
Ողջունելով հյուրերին՝ դեսպանը հույս հայտնեց, որ այցի արդյունքում պատանիները սերտ կապեր կհաստատեն գերմանացի հասակակիցների հետ, որոնք կպահպանվեն և կընդլայնվեն նաև հետագայում։
Մարտի 27-ին Աշոտ Սմբատյանը Նաումբուրգում հանդիպեց քաղաքի գիմնազիայի տնօրեն դր. Հայնեքեի հետ։ Շնորհակալություն հայտնելով ընդունելության համար՝ դեսպանը բարձր գնահատեց դպրոցականներին գիմնազիայում հյուրընկալելու պատրաստակամությունը։ Երկուստեք կարևորվեց կրթության ոլորտում ապաքաղաքականացված համագործակցության խորացումը, ինչը կնպաստի երեխաների՝ գերմաներենի իմացության բարձրացմանը և գերմանական հարուստ մշակույթին մերձեցմանը։
