16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
«Գնդակ-ուդառ-գոլ»․ Արարատ Միրզոյանն օրենքի նախագծերն է բացատրում․ ՏԵՍԱՆՅՈՒԹ
Քաղաքականություն
28.03.2019 | 18:43
Այսօր՝ մարտի 28-ին, Ազգային ժողովի արտահերթ նիստում քննարկվում են «Ազգային ժողովի կանոնակարգ» սահմանադրական օրենքում փոփոխություններ կատարելու մասին և «Սահմանադրական դատարանի մասին» սահմանադրական օրենքում փոփոխություններ և լրացումներ կատարելու մասին օրենքի նախագծերը:
Առաջարկվող փոփոխություններով սահմանվում է ՍԴ դատավորի պաշտոնը ստանձնելու ու «Նոր դատավորի ընտրության» մեխանիզմը։«Նոր» բառի հետ պատգամավորները համաձայն չէին և առաջարկում էին այն հանել օրենքի նախագծից, որպեսզի տարընթերցումների տեղիք չտա:
Ազգային ժողովի նախագահ Արարատ Միրզոյանն էլ ԱԺ ամբիոնից «Կարգին հաղորդումից» մի հատված մեջբերելով՝ պատգամավորներին որոշեց բացատրել օրենքի նախագիծը։
««Գնդակ-ուդառ-գոլ»․ պետք չի շատ բարդացնել, խնդիրը հետևյալն է․ ՍԴ -ն կայացրել է մի որոշում, որ այս դրույթը պետք է լինի ոչ թե ԱԺ կանոնակարգ օրենքում, այլ ՍԴ-ի մասին օրենքում, հիմա այնտեղից հանում ենք այս դրույթը և բերում ենք ԱԺ կանոնակարգ օրենքի մեջ, ինչպես ասացի՝ «գնդակ-ուդառ-գոլ»»,- բացատրեց ԱԺ նախագահը։
Արարատ Միրզոյանի ելույթից հետո «Ազգային ժողովի կանոնակարգ» սահմանադրական օրենքում փոփոխություններ կատարելու մասին և «Սահմանադրական դատարանի մասին» սահմանադրական օրենքում փոփոխություններ և լրացումներ կատարելու մասին օրենքի նախագծերն առաջին ընթերցմամբ ընդունվեցին՝ 116՝ կողմ, դեմ՝ 0, ձեռնպահ՝ 0 ձայների հարաբերակցությամբ։
Մանրամասները՝ տեսանյութում։
