29.06.2026 | 11:55
Հովակիմյանին էլ ՔՊ-ի հետ են շփոթում. Վարդևանյանը` իրեն «Հայաստան»-ի ներկայացուցչի հետ շփոթելու մասին․ ՏԵՍԱՆՅՈՒԹ
Սեդրակ Քոչարյանն ընդդեմ Արթուր Վանեցյանի գործով դատական նիստը հետաձգվեց
Հասարակություն
28.03.2019 | 17:35
Երևան քաղաքի ընդհանուր իրավասության դատարանի Աջափնյակի նստավայրում այսօր տեղի ունեցավ «Սեդրակ Քոչարյանն ընդդեմ Արթուր Վանեցյանի» գործով հերթական նախնական դատական նիստը։
Դատավոր Աիդա Դավթյանի նախագահությամբ՝ այսօրվա նիստին պատասխանող կողմի ներկայացուցիչները ներկայացրին գրավոր ապացույցներ, որոնք լրատվական կայքերի հրապարակումներն էին և ԱԱԾ մամուլի կենտրոնի հայտարարությունը։
Հայցվոր կողմի ներկայացուցիչները նյութերին ծանոթանալու համար ժամանակ պահանջեցին՝ ասելով, որ իրենք այդ հրապարակումներին ծանոթ չեն։ Դատարանը բավարարեց հայցվոր կողմի միջնորդությունը։ Դատական նիստը հետաձգվեց, հաջորդ նիստը կկայանա ապրիլի 23-ին, ժամը 16:00-ին։
Հիշեցնենք, որ ՀՀ երկրորդ նախագահի որդին՝ Սեդրակ Քոչարյանը, հայց է ներկայացրել ԱԱԾ տնօրեն Արթուր Վանեցյանի դեմ՝ պահանջելով «փոխհատուցել զրպարտության դիմաց և հրապարակայնորեն հերքել» 2018 թվականի սեպտեմբերի 11-ին մամուլի ասուլիսի ժամանակ Վանեցյանի հայտնած այն միտքը, թե «Ռոբերտ Քոչարյանը, 6 միլիոն դոլար կաշառք պահանջելով, դարձել է «Կոնգրես» հյուրանոցի բաժնետեր»:
Լիլիթ Շաբոյան
