22.05.2026 | 16:45
Եթե տեսնենք՝ ՀԱՊԿ-ն անիմաստ կազմակերպություն է, դուրս ենք գալու․ Սամվել Կարապետյան․ ՏԵՍԱՆՅՈՒԹ
ԵնթաԴՐՈՒԹՅՈՒՆ. Ի՞նչ սպասել Փաշինյան-Ալիև հանդիպումից հետո, եթե չհաջողվի Արցախը վերադարձնել բանակցային սեղան. ՏԵՍԱՆՅՈՒԹ
Քաղաքականություն
28.03.2019 | 19:25
Արդեն հայտնի է, որ մարտի 29-ին Վիեննայում տեղի կունենա Հայաստանի վարչապետի և Ադրբեջանի նախագահի հանդիպումը։ Այն առաջին հանդիպումն է, որը կայանալու է ԵԱՀԿ Մինսկի խմբի համանախագահների կազմակերպմամբ։ Մինչ այս, Նիկոլ Փաշինյանը և Իլհամ Ալիևը ունեցել են ոչ պաշտոնական չորս հանդիպում, որոնց ընթացքում կարգավորման շուրջ բանակցություններ, ըստ էության, չեն եղել։
Սպասվող հանդիպումից առաջ հնչել են կարևոր հայտարարություններ․ նախ՝ ԵԱՀԿ Մինսկի խմբի համանախագահների՝ մարտի 9-ի հայտարարությունը, որով հորդորվում էր ձեռնպահ մնալ բանակցային ձևաչափի փոփոխության մասին հայտարարություններից, ինչպես նաև ներկայացվում այն սկզբունքներն ու տարրերը, որոնց հիման վրա, ըստ միջնորդների, պետք է կարգավորվի հակամարտությունը, ապա դրան հետևած Հայաստանի և Արցախի Անվտանգության խորհուրդների նիստում Փաշինյանի ունեցած ելույթը, որտեղ ՀՀ վարչապետը վերստին պնդեց Արցախը բանակցային սեղան վերադարձնելու հայկական կողմի դիրքորոշումն ու կարևորեց միջնորդների նշած կարգավորման երեք սկզբունքների և 6 տարրերի շուրջ պարզաբանումը։
Այսպիսով՝ Վիեննայում կայանալիք հանդիպման ընթացքում ակնկալվում է, որ հայկական կողմը վերստին պնդելու է Արցախը բանակցային սեղան վերադարձնելու իր դիրքորոշումը, ինչի անընդունելիության մասին Ադրբեջանը մեկ անգամ չէ, որ հայտարարել է։ Ինչ սպասել այս հանդիպումից հետո, եթե չհաջողվի այս հարցում համաձայնության գալ։
Մանրամասները՝ տեսանյութում։
Լիլիթ Շաբոյան
