10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Հիմա ի՞նչ անենք, սնայպերով նստենք ու որ անկյունից բարձր աշխատավարձ ստացող դուրս եկող լինի խփե՞նք․ Փաշինյան․ ՏԵՍԱՆՅՈՒԹ
Քաղաքականություն
28.03.2019 | 12:18
Ազգային ժողովում այսօր շարունակվում է Կառավարության ծրագրի զեկույցի քննարկումը։ «Իմ քայլը» խմբակցության պատգամավոր Արմեն Խաչատրյանն անդրադառնալով Հարկային օրենսգրքին, Կառավարության ծրագրի կատարողականը ներկայացնող ՀՀ վարչապետին ասաց, որ այն շատ խրթին է ու պահպանված չէ իրավական որոշակիության սկզբունքը և կարող է վանել շատուշատ ներդրողների։
Ի պատասխան պատգամավորի դիտարկման՝ վարչապետն ասաց, որ Հարկային օրենսգրքի մի քայլով փոփոխությունը ճիշտ մոտեցում չէ:
«Պետք է հետևողական բարեփոխումների ճանապարհով գնանք: 100 տնտեսագետ կտա Հարկային օրենսգրքի փոփոխության 150 տարբերակ: Հիմա էլ նոր թշնամի է ի հայտ եկել իր հանրային կերպարով՝ բարձր աշխատավարձ ստացողները։ Հիմա ի՞նչ ենք ուզում, ուզում ենք սնայպերով բոլոր անկյուններում նստենք, ու որ անկյունից բարձր աշխատավարձ ստացող դուրս եկող լինի, խփենք գցե՞նք: Ո՛չ, դա չի համապատասխանում մեր քաղաքական գծի տրամաբանությանը, որովհետև բարձր աշխատավարձ ստացողը մեր պատկերացրած քաղաքացին է»,- ասաց Փաշինյանը։
Մանրամասները՝ տեսանյութում:
