19.10.2026 | 23:33
Հայտնաբերվել է 431 ոչ սթափ վարորդ․ պարեկների անցած շաբաթվա ծառայության արդյունքները
Պետք է մեր օրացույցին խնամքով վերաբերվենք. վարչապետը՝ ապրիլի 2-ը հիշատակի օր դարձնելու մասին․ ՏԵՍԱՆՅՈՒԹ
Քաղաքականություն
27.03.2019 | 19:19
Ազգային ժողովի «Իմ քայլը» խմբակցության պատգամավոր Սոֆիա Հովսեփյանն այսօր խորհրդարանում ներկայացրեց ապրիլյան պատերազմի ժամանակ զոհված զինծառայողների ընտանիքների խնդրանքը՝ ապրիլի 2-ն օրացույցում հիշատակի օր դարձնելու համար։
Հարցին ի պատասխան վարչապետ Նիկոլ Փաշինյանն ասաց, որ մենք մի երկիր ենք, որտեղ տեղի են ունենում կոնֆլիկտներ, սրացումներ։ «Դրանք պաշտոնապես արձանագրելու տեսակետից պետք է որոշակի զգուշավորություն ցուցաբերենք։ Այո՛, ապրիլի 2-ին ունեցել ենք էսկալացիաներ, բայց դրանից առաջ էլ ենք ունեցել էսկալացիաներ ու զոհեր։ Այս առումով պետք է մեր օրացույցին խնամքով վերաբերվենք։ Կարծում եմ՝ մայիսի 8-ը շատ պատեհ օր է, որը խորհրդանշում է մեր հայրենիքի հաղթանակների համար բոլոր զոհվածների հիշատակը, բացի այդ, ունենք նաև Բանակի օրը։ Պաշտոնապես այդ օրը արձանագրելու հետո կապված ես այնքան էլ չեմ կարծում, որ ճիշտ որոշում է»,- ասաց նա։
Մանրամասները՝ տեսանյութում։
Աղավնի Սուքիասյան
