17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
«Առաջիկայում Սունդուկյանի թատրոնը երկու մեծ պրեմիերա կունենա». Արմեն Էլբակյան. ՏԵՍԱՆՅՈՒԹ
Մշակույթ
27.03.2019 | 18:14
Ցանկանում եմ, որ բոլոր թատրոններն ավելի բեղմնավոր աշխատեն և շարունակեն իրենց հայրենանվեր գործը՝ հանուն վաղվա Հայաստանի։ Թատրոնի օրվան նվիրված միջոցառման ժամանակ լրագրողների հետ զրույցում նշեց Գ․ Սունդուկյանի անվան ազգային ակադեմիական թատրոնի գեղարվեստական ղեկավար, դերասան Արմեն Էլբակյանը։
«Թատրոնում խնդիրներ շատ կան, բայց միևնույն ժամանակ, թատրոնն ուշադրության կարիք ունի, գրողները պետք է ավելի շատ թատերական ստեղծագործություններ գրեն, որոնք կարտացոլեն այսօրվա մարդուն, նրա հոգսերը, ցանկություններն ու հույսերը»,- ընդգծեց Արմեն Էլբակյանը։
Դերասանի խոսքով՝ այսօր թատրոնում աշխատողները նվիրյալներ են։
«21-րդ դարում, երբ բիզնեսն ավելի կարևոր է, քան մշակույթը, թատրոնում աշխատելն ավելի դժվար է դարձել»,- նշեց Արմեն Էլբակյանը։
Դերասանը նաև հավելեց, որ Սունդուկյանի անվան ազգային ակադեմիական թատրոնում այս պահին երկու պրեմիերայի են պատրաստվում։ Դրանցից մեկը բեմադրելու է Ֆրանսիայից հրավիրված ռեժիսոր Սերժ Մելիքյանը։
Առաջիկա ամիսներին սպասվում է նաև Կեն Կիզիի «Թռիչք կկվի բնի վրայով» վեպի հիման վրա ստեղծված երիտասարդական ներկայացումը։
Նելլի Մելքոնյան
