13.08.2026 | 13:07
Ադրբեջանցի մասնագետները 2025 թվականի սեպտեմբերին են ՀՀ տարածքում ուսումնասիրություն իրականացրել. Փաշինյան. ՏԵՍԱՆՅՈՒԹ
Ռոբերտ Քոչարյանը ուժի կիրառմանը միշտ դեմ է եղել․ Հայկ Հարությունյան
Հասարակություն
27.03.2019 | 18:10
Մարտի 1-ի գործի շրջանակներում օրերս հայտնի դարձավ, որ հարցաքննվել է 2008 թվականի արյունալի իրադարձությունների ժամանակ ՀՀ ոստիկանապետի պաշտոնը զբաղեցրած Հայկ Հարությունյանը։ Մամուլում 2008-ին տեղեկություններ շրջանառվեցին, որ Հայկ Հարությունյանը Քոչարյանից խնդրել է ցուցարարների նկատմամբ ուժ կիրառելու հրամանը գրավոր տալ, սակայն մերժվել է։
Factor.am-ի հետ զրույցում Հայկ Հարությունյանը պնդեց, որ այդ հայտարարությունները իրական չեն: «Նման բան չի եղել, ինչ-որ մեկի ստեղծագործությունն է։ Ռոբերտ Քոչարյանը ընդհակառակը՝ խուսափել է բախումներից և ուժի կիրառմանը միշտ դեմ է եղել»,- ասաց նախկին ոստիկանապետը։
Մեր այն հարցին, թե Քոչարյանի պաշտպանները պնդում են, որ Մարտի 1-ի իրադարձությունների մասին նա տեղեկացել է առավոտյան, արդյոք դա այդպե՞ս է, Հարությունյանը հարցով պատասխանեց․ «Ինչո՞ւ եք ինձ նման բաներ հարցնում»։
Այլ հարցերի նախկին ոստիկանապետը չցանկացավ պատասխանել։
Լիլիթ Շաբոյան
