26.06.2026 | 00:17
Իսրայելի ԱԳ նախարարը նախատեսում է կառավարությանը առաջարկել Հայոց ցեղասպանությունը ճանաչելու բանաձև
Ի՞նչ սպասենք «1000 դրամների» հիմնադրամի գործունեությունից. Ալեն Սիմոնյանը՝ վարչապետին. ՏԵՍԱՆՅՈՒԹ
Քաղաքականություն
27.03.2019 | 18:51
Ազգային ժողովի փոխնախագահ Ալեն Սիմոնյանն այսօր ԱԺ-Կառավարություն հարցուպատասխանի ժամանակ հարց ուղղեց զինծառայողների ապահովագրության հիմնադրամի վերաբերյալ՝ հետաքրքրվելով, ինչ վճարներ են իրականացվել և ինչ պետք է սպասել հիմնադրամի գործունեությունից։
Հարցին ի պատասխան վարչապետ Փաշինյանը նշեց, որ դեռևս նախորդ՝ 2018 թվականի օգոստոս ամսին այդ հիմնադրամի գործունեության մեջ կատարվեց որոշակի փոփոխություն։
«2016 թվականին էր այն հիմնադրվել և սահմանվել էլ, որ դրա շահառու կարող են դառնալ 2017 թվականի հունվարի 1-ը ներառյալ և դրանից հետո մարտական հերթապահության ընթացքում զոհված զինվորների ընտանիքները, առաջին և երկրորդ կարգի հաշմանդամություն ունեցող անձինք։ Թավշյա հեղափոխությունից հետո մենք կատարեցինք փոփոխություն, որ այս հիմնադրամի շահառուներ կարողանան դառնալ նաև 2014, 2015, 2016 թթ. զոհված զինծառայողների ընտանիքները, իսկ մի քանի օր առաջ որոշում կայացվեց, որ այդ հիմնադրամի շահառուներ պետք է դառնան նաև 2008 թվականի հունվարի 1-ից հետո մարտական հերթապահության ընթացքում զոհված զինծառայողների ընտանիքները և 1-ին և 2-րդ խմբի հաշմանդամները»,- մանրամասնեց Փաշինյանը։
Մանրամասները՝ տեսանյութում։
Աղավնի Սուքիասյան
