07.02.2026 | 13:45
Երևանում փոշու պարունակությունը գերազանցել է սահմանային թույլատրելի կոնցենտրացիան
Արարատ Միրզոյանին ապառիկով հեռուստացույց չեն տվել, վարչապետն էլ հիշում է՝ իրենց լվացքի մեքենայի վարկը դեռ փակում են․ ՏԵՍԱՆՅՈՒԹ
Քաղաքականություն
27.03.2019 | 16:01
Ազգային ժողովի «Լուսավոր Հայաստան» խմբակցության պատգամավոր Մանե Թանդիլյանը խորհրդարանում Կառավարության ծրագրի զեկույցը ներկայացնող վարչապետ Նիկոլ Փաշինյանից հետաքրքրվեց՝ ինչով է վերջինս հիմնավորում սպառողական վարկերի աճը Հայաստանում։
Ի պատասխան Նիկոլ Փաշինյանն ասաց, որ սպառողական վարկերը շատ հարմար տարբերակով են բանկերն առաջարկում քաղաքացիներին։
«Ես հիմա հիշում եմ, որ մեր տանն ինչ կա ՝ լվացքի մեքենա, սառնարան, վարկով ենք առել, որովհետև շատ հարմար տարբերակով են դրանք տրամադրում։ Հարց է առաջանում՝ ինչո՞ւ միանգամից տալ 250 հազար դրամ կամ ավել գումար լվացքի մեքենա առնել, եթե կարող ես ամեն ամիս 6000 դրամ վճարելով այդ ապրանքը ձեռք բերել»,- ասաց Փաշինյանը։
Ազգային ժողովի նախագահ Արարատ Միրզոյանը, համաձայն լինելով վարչապետի այս դիտարկման հետ, նշեց, որ փորձել է ապառիկ պայմաններով հեռուստացույց գնել, սակայն չի հաջողվել, որովհետև պարզվել է, որ ԴԱՀԿ ծառայությունն իր հաշիվը կալանքի տակ է դրել։
«Պարզվեց չվճարված տուգանք ունեմ»,- ասաց ԱԺ նախագահը։
Մանրամասները՝ տեսանյութում։
