05.07.2026 | 01:14
«Ուիմբլդոն». Կարեն Խաչանովը դուրս է մնացել պայքարից
«Ալեքս տեքստիլի» ու այլ ընկերությունների նկատմամբ թշնամաբար տրամադրված չենք, բայց դրանք չունեն Կառավարության հովանավորությունը․ Նիկոլ Փաշինյան․ ՏԵՍԱՆՅՈՒԹ
Տնտեսություն
27.03.2019 | 15:31
Ազգային ժողովի «Լուսավոր Հայաստան» խմբակցության պատգամավոր Մանե Թանդիլյանը Կառավարության ծրագրի զեկույցը խորհրդարանում ներկայացնող վարչապետ Նիկոլ Փաշինյանից հետաքրքրվեց՝ արդյոք տեքստիլի արտադրության ոլորտում արձանագրված տնտեսական ցուցանիշի մեջ բացի «Ալեքս տեքստիլից», որը պատկանում է նախկին պատգամավոր Սամվել Ալեքսանյանին, այլ ընկերություններ ևս կա՞ն և ի՞նչ չափաբաժին ունեն արձանագրված ցուցանիշով։
Պատգամավորի հարցին ի պատասխան՝ Նիկոլ Փաշինյանը նշեց, որ կոնկրետ վիճակագրությունը չգիտի, բայց տեղյակ է, որ այդ շրջանակը բավականին լայն է։
«Սակայն մեզ համար մտահոգիչ է այն, որ տեքստիլի արտադրության զարգացմանը զուգահեռ նաև զարգանում է էժան աշխատուժը, և ոլորտը այդպես կարող է փլուզվել, աշխարհում ավելի էժան աշխատուժի առկայության պարագայում, հետևաբար տեքստիլը պետք է տեղափոխենք բարձր գնային սեգմենտ, որ ոչ թե մեր երկրում արտադրվի 5000 դրամանոց, այլ 10․000 դոլորանոց բաճկոն»,- ասաց Փաշինյանը՝ նշելով, որ թեև «Ալեքս տեքստիլի» և այլ ընկերությունների վերաբերյալ քաղաքական ասոցիացիաներ են առաջանում, սակայն Կառավարության դիրքորոշումը հետևյալն է․ «Այս ընկերությունները չեն ունենա Կառավարության հովանավորությունը, սակայն նրանց նկատմամբ թշնամաբար տրամադրված չենք»։
Մանրամասները՝ տեսանյութում։
Աղավնի Սուքիասյան
