12.03.2026 | 19:25
Factor TV-ի անդրադարձից հետո սոցաշխատողն այցելել է տնակում ապրող ընտանիքին
Հարց եմ տալիս ահռելի պարտքի մասին, ժպտում եք․ ԲՀԿ-ական պատգամավորը՝ թախիծով հարցեր տալու մասին․ ՏԵՍԱՆՅՈՒԹ
Քաղաքականություն
27.03.2019 | 13:49
Ազգային ժողովի «Բարգավաճ Հայաստան» խմբակցության պատգամավոր Տիգրան Ուրիխանյանն այսօր խորհրդարանում վարչապետ Նիկոլ Փաշինյանից հետաքրքրվեց՝ ի՞նչ միջոցներ են ձեռնարկվում Հայաստանի արտաքին պարտքը սպասարկելու ուղղությամբ՝ նշելով, որ այս տարվա կտրվածքով այդ թիվը կազմում է 400 մլն դոլարից ավելի, իսկ հաջորդ տարի՝ 800 մլն դոլարից ավելի գումար։
Պատգամավորը հարցրեց նաև՝ արդյոք հնարավո՞ր է Հայաստանը կանգնի դեֆոլտի վտանգի առաջ։
Ի պատասխան Փաշինյանն ասաց․ «Անկեղծ ասած, պարոն Ուրիխանյան, ես չգիտեմ, թե Դուք ինչու եք այդ հարցը այդպիսի թախծոտ ձայնով տալիս, որովհետև հասկանալի է, որ միջնաժամկետ ծախսերի ծրագրով դա նախատեսված է։ Ո՛չ, Ձեր ասած որևէ սպառնալիք Հայաստանին չի սպառնում»։
Նիկոլ Փաշինյանի պատասխանին արձագանքեց ԲՀԿ-ական պատգամավորը՝ նշելով․ «Հարց եմ տալիս ահռելի պարտքի մասին, ժպտում եք, բա պարտքից եմ հարցնում, բյուջեի կեսի չափ պարտք ունենք մարելու, բա թախիծ ա, բա ինչ ա»։
Մանրամասները՝ տեսանյութում։
Աղավնի Սուքիասյան
