12.03.2026 | 19:25
Factor TV-ի անդրադարձից հետո սոցաշխատողն այցելել է տնակում ապրող ընտանիքին
Մի շարք պայմանագրային զինծառայողներ ունեն վարկային վատ պատմություն և խնդիրներ դրանց մարման հետ կապված․ ի՞նչ կարող ենք առաջարկել նրանց․ Թագուհի Թովմասյանը՝ վարչապետին․ ՏԵՍԱՆՅՈՒԹ
Քաղաքականություն
27.03.2019 | 13:38
Ազգային ժողովի «Իմ քայլը» խմբակցության պատգամավոր Թագուհի Թովմասյանն այսօր խորհրդարանում Կառավարության գործունեության վերաբերյալ զեկույցը ներկայացնող ՀՀ վարչապետ Նիկոլ Փաշինյանից հետաքրքրվեց՝ Կառավարության կողմից համաֆինանսավորվող գյուղատնտեսական, անասնապահական ծրագրերի իրականացման համար գյուղացիները ո՞ր բանկերին կարող են դիմել, կա՞ արդյոք մոտավոր հաշվարկ, թե այս ծրագրերը քանի հոգու համար են նախատեսված և արդյոք դրանք հասանելի կլինե՞ն նաև վարկային վատ պատմություն ունեցողների համար։
Պատգամավորի հարցերին ի պատասխան Նիկոլ Փաշինյանն ասաց, որ վարկային վատ պատմություն ունեցողների համար կատարվել է օրենսդրական փոփոխություն, ինչի արդյունքում 130 հազար մարդու վարկային պատմությունը մաքրվել է, և նրանք կարող են վարկ վերցնել բանկերից։
«Այո՛, մենք կարող ենք վարկի տոկոսները իջեցնել, արտոնյալ պայմաններով տալ, բայց չենք կարող բանկերին ասել վարկը հետ մի պահանջեք»,-ասաց վարչապետը՝ կարևորելով քաղաքացիների ֆինանսական գրագիտության անհրաժեշտությունը՝ խոսելով նաև վերակառուցված վարկային պատմությունների մասին, որն իրականացվել է ավելի քան 9000 քաղաքացու համար։
Թագուհի Թովմասյանը նշեց, որ իրեն դիմել են մի շարք պայմանագրային զինծառայողներ, որոնք ունեն վարկային վատ պատմություն և խնդիրներ դրանց մարման հետ կապված, ինչին ի պատասխան Փաշինյանը հիշեցրեց, որ զինծառայողների համար վարկերը վերակառուցվում են ավելի ցածր տոկոսներով և ավելի երկար ժամկետներով։
Մանրամասները՝ տեսանյութում:
Աղավնի Սուքիասյան
