Մշակույթ
27.03.2019 | 13:29
Իսրայելում «Եվրատեսիլ» երաժշտական մրցույթի անցկացումը սպառնալիքի տակ է։ Այս մասին հայտնում է Jerusalem Post պարբերականը:
Նշվում է, որ մրցույթի հնարավոր չեղարկումը կապված է Իսրայելի և Պաղեստինի միջև հակամարտության սրացման, մասնավորապես՝ վերջին շրջանի հրթիռակոծությունների հետ:
Եվրոպական հեռարձակողների միության պաշտոնական ներկայացուցիչներն ընդգծել են, որ իրենք հետևում են իրավիճակի զարգացմանը: «Անվտանգությունն ու ապահովությունը մեզ համար մշտապես առաջնային նշանակություն ունեն»,- նշել են նրանք։
Այդուհանդերձ, ԵՀՄ-ից չեն հայտնել՝արդյո՞ք արտակարգ իրավիճակի դեպքում գործողությունների պլան ունեն:
Նելլի Մելքոնյան
