14.01.2025 | 16:41
Սիրիայի ԱԳՆ, ՊՆ և հետախուզության ղեկավարները հունվարի 15-ին Թուրքիա կայցելեն
2019-ի բյուջեի եկամտային մասը կգերակատարենք առնվազն 40 մլրդ դրամով․ սա աննախադեպ է վերջին 9 տարիների համար․ Փաշինյան․ ՏԵՍԱՆՅՈՒԹ
Քաղաքականություն
27.03.2019 | 13:26
Ազգային ժողովում այսօր Կառավարության 2018 թվականի հունիսի 1-ի N 581-Ա որոշմամբ հավանության արժանացած ՀՀ կառավարության ծրագրի կատարման ընթացքի և արդյունքների մասին զեկույցը ներկայացնելիս վարչապետ Նիկոլ Փաշինյանն ասաց, որ 2019-ի պետական բյուջեի եկամտային մասը կգերակատարեն առնվազն 40 մլրդ դրամով:
Ըստ Փաշինյանի՝ այս թիվը կազմում է մոտավորապես 90 մլն դոլար, ինչը նշանակում է, որ պետական եկամուտներն այսքանով ավելին կլինեն, քան նախատեսված էր ԱԺ-ի կողմից ընդունված բյուջեով:
«Սա վերջին 9 տարիների համար աննախադեպ է, որովհետև չենք ունեցել իրավիճակ, որ բյուջեի եկամուտները գերակատարվեն, այն էլ այսպիսի ծավալով»,- ասաց վարչապետը։
Վարչապետը նշեց, որ պլանավորում են այս տարի իրականացնել շուրջ 303 կմ ավտոճանապարհների նորոգումներ։
«Հույս ունեք, որ կլինեն որոշակի խնայողություններ և շատ ավելի մեծ ցուցանիշ կհաջողվի գերազանցել, և դրա մեջ չի մտնում «Հյուսիս–Հարավ» ճանապարհի կառուցման աշխատանքը, որը բոլորովին այլ պատմություն է»,- ասաց վարչապետը։
Մանրամասները՝ տեսանյութում։
Աղավնի Սուքիասյան
