13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Արցախը որպես բանակցային կողմ ներգրավելու մտքեր կփոխանակվեն Ալիևի հետ հանդիպման ժամանակ․ ՏԵՍԱՆՅՈՒԹ
Քաղաքականություն
27.03.2019 | 12:11
Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանը վարչապետ Փաշինյանից հետաքրքրվեց՝ արդյոք Վիեննայում կայանալիք իր և Ադրբեջանի նախագահի հանդիպման օրակարգը հստակեցվա՞ծ է։
Հարցին ի պատասխան վարչապետ Փաշինյանը նկատեց, որ սկզբնական փուլում հանդիպումները պետք է օրակարգ չունենան, պետք է լինի հարցերի լայն շրջանակ և իրենք պետք է մտքեր փոխանակեն այդ հարցերի շուրջ։
«Կարող եմ կանխատեսել, որ քննարկումները կլինեն նախկինում հնչած հայտարարությունների շրջանակներում և այո՛, նաև այն մասին, ինչ հայտարարել եմ Արցախում ՀՀ-ի հետ համատեղ անվտանգության նիստին. դա այն օրակարգն է, որով գնում ենք բանակցությունների և ըստ էության, այն պլատֆորմն է, որի վրա հիմնվելու ենք»,- մանրամասնեց Փաշինյանը։
Պատգամավորի հստակեցնող հարցին՝ այսինքն՝ կարո՞ղ ենք ենթադրել, որ Արցախը որպես բանակցային կողմ ներգրավելու վերաբերյալ մտքեր կփոխանակվեն Ալիևի հետ, Փաշինյանն ասաց․ «Այո՛, իհարկե»։
Մանրամասները՝ տեսանյութում։
Աղավնի Սուքիասյան
