17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ադրբեջանական կողմը նախօրեի գործողության ժամանակ զոհ է ունեցել
Քաղաքականություն
27.03.2019 | 11:10
Ադրբեջանի ՊՆ-ն հայտնել է, որ ադրբեջանական բանակի զինծառայող է զոհվել: Այս մասին գրում են ադրբեջանական լրատվամիջոցները: Բանակում կորուստը, իհարկե, ներկայացվում է որպես Հայաստանի Զինված ուժերի կողմից սադրանքի արդյունք: Բաքուն նաև հերքել է տեղեկությունը, որ ադրբեջանական զինուժը փորձել է ինժեներական աշխատանքներ իրականացնել հայ-ադրբեջանական սահմանին՝ մոտեցնելով դիրքերը:
Հիշեցնենք, որ ՀՀ Պաշտպանության նախարարությունը նախօրեին հաղորդել էր, որ ժամը 16։30-ի սահմաններում հայ-ադրբեջանական սահմանի հյուսիս-արևելյան հատվածում, մասնավորապես՝ Բերդավան գյուղի մերձակայքում տեղակայված մարտական դիրքերի ուղղությամբ, միջդիրքային տարածքում, ադրբեջանական զինված ուժերի ստորաբաժանումները փորձել են ինժեներական աշխատանքներ իրականացնել՝ մոտեցնելով իրենց դիրքերը: Չենթարկվելով հայկական առաջապահ ստորաբաժանումների նախազգուշացումներին՝ ադրբեջանական զինուժը կրակ է բացել հայկական դիրքերի ուղղությամբ։ Պատասխան կրակով հակառակորդը լռեցվել է, ինժեներական աշխատանքները՝ կասեցվել։ Հայկական կողմից տուժածներ չկան։
