03.04.2026 | 23:13
NASA-ն հրապարակել է Երկրի նոր լուսանկարը
Տնտեսական հեղափոխության մեր մոդելն աշխատում է․ Փաշինյանն աճ արձանագրած ոլորտներն է ներկայացնում․ ՏԵՍԱՆՅՈՒԹ
Քաղաքականություն
27.03.2019 | 11:01
Վարչապետ Նիկոլ Փաշինյանն այսօր Ազգային ժողովում ներկայացնում է Հայաստանի Հանրապետության կառավարության ծրագրի կատարման ընթացքի և արդյունքների մասին զեկույցը:
Ներկայացնելով տնտեսական աճի ցուցանիշները՝ վարչապետ Փաշինյանը նշեց, որ եթե հաշվի ենք առնում, որ 2018 թվականին ՀՀ-ում տեղի են ունեցել վարչապետի ընտրություններ, Ազգային ժողովի լուծարում և արտահերթ ընտրություններ, հեղափոխություն, ապա կարելի է ասել, որ համաշխարհային պատմության մեջ չենք գտնի մեկ երկիր, որտեղ տեղի են ունեցել այսքան քաղաքական գործընթացներ և դրանց չի հաջորդել տնտեսական անկում։
«Հայաստանի Հանրապետությունը բացառիկ է այդ քաղաքական փոփոխություններին իր տնտեսական արձագանքով։ Մեզ հաջողվեց պահել տնտեսական կայունությունը, իսկ 2019 թվականին արդեն ՀՀ-ն թևակոխել է երկարատև կայունության շրջան»,- ասաց Փաշինյանը։
Վարչապետը ներկայացրեց արդյունաբերության և շինարարության ոլորտում արձանագրված ցուցանիշները։ Վերջինիս խոսքով, օրինակ, շինարարության ոլորտում նախորդ տարվա համեմատ ունեցել ենք 20 տոկոսը գերազանցող աճ։
«Լրջագույն աճեր են նկատվում հիպոթեքային վարկավորման ոլորտում։ Երկրի հիպոթեքային վարկերի պորտֆելի ընդհանուր ծավալը կազմել է 150 մլն դոլար, իսկ դա նշանակում է, որ այդքան գումարի բնակարան գնելու գործարք են կատարել ՀՀ քաղաքացիները, իսկ սա նշանակում է վստահություն՝ սեփական երկրի նկատմամբ»,- ասաց Փաշինյանը՝ հավելելով, որ տնտեսական աճ ենք արձանագրել նաև տնտեսության մյուս ոլորտներում՝ առևտուր, թեթև արդյունաբերություն, արտահանում և այլն։
«Սա նշանակում է, որ տնտեսական զարգացման և տնտեսական հեղափոխության մեր մոդելն աշխատում է»,- ասաց նա։
Մանրամասները՝ տեսանյութում։
Աղավնի Սուքիասյան
