12.06.2026 | 22:47
Ալեն Ղևոնդյանի նկատմամբ որպես խափանման միջոց է ընտրվել վարչական հսկողությունը
Զինված ուժերի զինծառայողների և ուսուցիչների աշխատավարձերը 2019 թ. մտադիր ենք բարձրացնել 10 տոկոսով. Նիկոլ Փաշինյան. ՏԵՍԱՆՅՈՒԹ
Քաղաքականություն
27.03.2019 | 10:18
ՀՀ վարչապետ Նիկոլ Փաշինյանն այսօր Ազգային ժողովում ներկայացրեց Կառավարության 2018 թվականի գործունեության մասին զեկույցը՝ ամփոփելով 2019 թվականի առաջին երեք ամիսներին կատարված աշխատանքներն ու արձանագրված ցուցանիշները։
«Մենք եկանք այն եզրակացության, որ 2019 թ. բյուջեի եկամտային մասը կգերակատարվի 40 մլրդ դրամով, այսինքն, մոտ 90 մլն դոլարով: Դա նշանակում է, որ Կառավարությունը կգերակատարի 2019-ի պետբյուջեի եկամուտների մասով ծրագիրը, որն ավելի վաղ հաստատվել էր Ազգային ժողովի կողմից»,-ասաց Փաշինյանը՝ հավելելով․ «Ուզում եմ ընդգծել, որ վերջին 9 տարում սա աննախադեպ երևույթ է, որովհետև նախկինում մենք բավական երկար ժամանակ չենք ունեցել իրավիճակ, երբ բյուջեի եկամուտները կգերակատարվեն, այն էլ այսպիսի հսկայական ծավալներով»:
Կառավարության ղեկավարը նաև նշեց, որ գործադիրը մտադիր է 2019-ի հուլիսի 1-ից 10 տոկոսվ բարձրացնել ՀՀ զինված ուժերի ծառայողների աշխատավարձերը, իսկ սեպտեմբերի 1-ից նույն չափով բարձրացնել նաև հանրապետության հանրակրթական դպրոցների ուսուցիչների աշխատավարձերը և խոսքը գնում է ավելի քան 38 հազար ուսուցչի մասին։
Մանրամասները՝ տեսանյութում։
Աղավնի Սուքիասյան
