07.02.2026 | 00:13
Հայաստանի պատվիրակությունը՝ ձմեռային Օլիմպիական խաղերի բացմանը․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
«ԱՄՆ-ն կարող է կորցնել Թուրքիային զենք մատակարելու մենաշնորհը». ռուս սենատոր
Քաղաքականություն
26.03.2019 | 22:18
Ռուս քաղաքական գործիչ, սենատոր Իգոր Մորոզովը ռուսական լրատվամիջոցներին տված հարցազրույցում անդրադարձել է Թուրքիայի նախագահի` Ռուսաստանի հետ S-400 զենիթահրթիռային ՀՕՊ համակարգերի շուրջ պայմանագիրը չխզելու մասին հայտարարությանը. փոխանցում է ermenihaber.-ը:
Սենատոր Մորոզովը ասել է, որ S-400 ՀՕՊ համակարգերը մատակարարման փուլում են և շուտով դրանք կլինեն Թուրքիայի տարածքում և հավելել, որ ԱՄՆ-ն չի կարողանալու միջամտել այդ գործընթացին:
Մորոզովը, նշելով, որ Թուրքիան ԱՄՆ-ի հետ ռազմականտեխնիկական համագործակցություն է ծավալում, ասել է.
«Վաշինգտոնը փորձում է շահարկել Անկարայի անդամակցությունը ՆԱՏՕ-ին: Ակնհայտ է, թե ինչու է ԱՄՆ-ն դա անում: Էրդողանի վերջնական որոշման վերաբերյալ Սպիտակ տնից բազմաթիվ սպառնալից, շահադիտական և մանիպուլյացնող հայտարարություններ են հնչել»:
Սենատորի խոսքով` Էրդողանը ցանկանում է տարբեր ուղղություններով բաշխել քաղաքական և ռազմատեխնիկական ռիսկերը:
«ԱՄՆ-ն կարող է կորցնել Թուրքիային զենք մատակարելու մենաշնորհը»,-ընդգծել է Մորոզովը:
Հիշեցնենք, որ Թուրքիայի նախագահ Ռեջեփ Թայիփ Էրդողանը հայտարարել էր, որ S-400-ների հարցում հետքայլ անելու մասին խոսք չկա, ավելացնելով, որ ավելի վաղ իրենք ԱՄՆ-ին հայտնել էին «Patriot» ՀՕՊ համակարգեր գնելու ցանկության մասին, բայց կոնգրեսն արգելել էր այդ համակարգերի վաճառքը Թուրքիային:
