18.05.2026 | 11:55
Ընդամենը 3 մլն դրամ եկամուտ. ինչ է հայտարարագրել ԱԺԲ-ի ցուցակի առաջին համարը
Թեոդոսիայից դիմել են ՀՀ նախագահին՝ խնդրելով նպաստել Այվազովսկու կտակի իրագործմանը
Հասարակություն
26.03.2019 | 20:50
Թեոդոսիայի հասարակական կազմակերպությունները բաց նամակով դիմել են Հայաստանի նախագահ Արմեն Սարգսյանին՝ խնդրելով նպաստել, որպեսզի Հովհաննես Այվազովսկու անվան պատկերասրահը քաղաքի սեփականությունը մնա: Այս մասին գրում է «Ռուսարմինֆո»-ն:
«Հարգելի պարո՛ն նախագահ: Ձեր մեծ հայրենակիցը՝ աշխարհահռչակ ծովանկարիչ Հովհաննես Այվազովսկին, իր ստեղծագործությունների պատկերասրահը՝ առկա բոլոր նկարներով և արվեստի այլ գործերով, կտակել է իր հայրենի քաղաքին՝ Թեոդոսիային… Խնդրում ենք միջպետական մակարդակով ձեռնարկել Ձեզ հասանելի և հնարավոր բոլոր միջոցները՝ կանխելու համար Այվազովսկու հոգևոր ժառանգություն պատկերասրահը Թեոդոսիայից վերցնելը»,- մասնավորապես ասված է ուղերձում:
Նշվում է, որ 2016 թվականին Ղրիմի իշխանություններն առաջին անգամ հայտարարել են պատկերասրահը հանրապետական սեփականությանը փոխանցելու անհրաժեշտության մասին, սակայն չեն արել: 2019թ. սկզբին հանրապետության Մշակույթի նախարարությունը կրկին հանդես է եկել նման նախաձեռնությամբ:
Հովհաննես Այվազովսկու Թեոդոսիայի պատկերասրահը երկրի հնագույն թանգարաններից է: Առաջին ցուցադրությունն այստեղ բացվել է 1845 թվականին, հենց Այվազովսկու կողմից:
