28.04.2026 | 21:14
ՔՊ-ն ԱԺ պետաիրավական հարցերի մշտական հանձնաժողովի նախագահի թեկնածու է առաջադրել
Մեռելները միմյանց հետ հաշիվ են մաքրում․ Արման Բաբաջանյան․ ՏԵՍԱՆՅՈՒԹ
Քաղաքականություն
26.03.2019 | 18:30
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն այսօր խորհրդարանում հայտարարությունների ժամին անդրադարձավ, իր բնորոշմամբ, անկարևոր հարցերն օրակարգային դարձնելու միտումներին՝ մասնավորապես նշելով, որ մամուլը, սոցիալական ցանցերը ողողված են նախկին մի պաշտոնյայի՝ մեկ այլ նախկին պաշտոնյային ուղղված մի նամակի առանձին դրվագների վերլուծությամբ և գնահատակններով։
«Որևէ մեկը չի ժխտում, որ անցյալում տեղի ունեցած ապօրինությունները, հանցագործությունները մեր պետության ընդերքում ռումբեր դրած համակարգային կեղծարարությունները պետք է բացահայտվեն և մեղավորները պետք է պատժվեն օրենքի ողջ խստությամբ։
Դա է պահանջում իրավական պետության տրամաբանությունը։
Մյուս կողմից այս իրադարձությունները բերելով թեժ քննարկումների առաջնագիծ՝ մխրճվում ենք անցյալի մեջ, այնտեղից ներկա ենք բերում հերոս-հակահերոսներին՝ ներքին թշնամիների բանակը համալրելով նոր հներով կամ հին նորերով։
Այս երևույթի բացասական հետևանքն այն է, որ մեր ամբողջ ներուժը, միտքը սևեռել ենք անցյալի վրա։ Անցյալը կամաց-կամաց խժռում է մեր ներկան ու ապագան, մեռելները միմյանց հետ հաշիվ են մաքրում՝ դրանից տուժում է Հայաստանում սերնդափոխության, նոր իշխող համակարգի և նոր ընդդիմության ձևավորման գործընթացը»,-նշեց ԼՀԿ-ական պատգամավորը։
Մանրամասները՝ տեսանյութում։
Աղավնի Սուքիասյան
